قندوز ولایتی دشتارچی تومنینینگ قرلق قیشلاغی طالبلر قولیگه سقوط قیلیب و محلده آتیشمهنینگ دوامی بار.
قندوز ولایتی کینگش باشلیغی محمدیوسف ایوبینینگ اوشبو خبرنی تصدیقلب ایتیشیچه، مذکور قیشلاق تخار ولایتینینگ خواجهغار تومنی و تاجیکستان مملکتی آرهسیده اشتراتژیک منطقهلردن بیری دیر.
اونینگ ایتیشیچه، قرلق قیشلاقینینگ سقوط قیلگنی سبب کمیده 500 عایله بدرغه بولگنلر.
قندوز پولیس قومندانی عبدالباقی نورستانینینگ ایتیشیچه، مذکور منطقهنی طالبلر کنترولیدن چیقاریش اوچون حربی عملیات یولگه قویلهدی.
شونینگدیک قورالی طالبلر اوتگن کیچه قندوز ولایتینینگ قلعهزال تومنیده هجوم قیلیب نتیجهده محلی پولیس کوچلریدن 10 تهسی هلاک و باشقه 16 تهسی یرهلنگن.
قندوز ولایتی کینگش اعضاسی آمین آیدیننینگ سلاموطندارگه ایتیشیچه، قورالی طالبلر اوتگن کیچه گروهی شکلده قلعهزال تومنیده بولگن محلی و ملی پولیس پوستهلری اوستیگه هجوم قیلگن.
اونینگ ایتیشیچه، مذکور تومن مرکزیده قورالی طالبلر و امنیتی کوچلر آرهسیده آتیشمهنینگ دوامی بار.
قندوز پولیس قومندانلیگینینگ خوفسیزلیک آمری صفیالله محزون نینگ بو خبرنی تصدیقلب ایتیشیچه، تلفات رقمی بیللی ایمس.
