افغانستان بوییچه آمریکانینگ خاص تیکشیرووچی ادارهسی(سیگار) ینگیدن بیر گزارش آرقهلی، افغانستان حکومتی طالبان گروهی بیلن تینچلیک لایحهگه کیلیشگن حالده هم اوشبو مملکتنینگ خلق ارا یاردملریگه نیازی بارلیگینی بیلدیرگن.
اوشبو گزارش اوتگن "پنجشنبه" کونی ترقهتیلگن و بو گزارشگه کوره، یالغیز تینچلیک کیلیشوو افغانستان قیینچیلیگینی حل قیلمهیدی و سیاستچیلرنینگ تینچلیکدن کیینگی دورگه تیارگرلیک آلیشلری کیرهک.
اوشبو گزارشده سیگار ادارهسینی باشلیغی جان اف ساپُکو دن نقل قیلینیشیچه، «دایمی تینچلیک تامین ایتیلیشینی، کوپراغ هزینه کوتاریشی ممکن و اوشبو هزینهنی چیتایللیک یاردملر تامین قیله آلهدی.»
سیگار اوشبو گزارشده «ناتینچلیک، پولیس تجهیزاتلرینینگ کملیگی، بومی فساد، اقتصاد تنبللیگی، طالبلرنینگ بنگیوار مادهلر سوداگرلیگیگه قولی بارلیگی و عیاللرگه قرشی تهدیدلر»نی اصلی خواطر عنوان قیلگن.
سونگی کونلرده افغانستانده تینچلیک تامین ایتیلیشی توغریسیده آمریکانینگ سعی و حرکتی کوپهیگن. افغانستان تینچلیک لایحهسی بوییچه آمریکا خاص نمایندهسی زلمی خلیلزاد و طالبان گروهی آرهسیدهگی تینچلیک سوزلشوولرنینگ 6- دورینی تیزلیککه باشلهنیشی ممکن.
اوتگن تینچلیک سوزلشوولرده طالبان گروهی افغانستان حکومتی بیلن مذاکره قیلیشگه تیارگرلیک کورستمهگن و ینگی ییل باشلهنیشی بیلن اوشبو گروه افغانستان تورلی منطقهلریده هجوملرینی کوپهیتیرگن.
شوتوغریده…
