فاریاب و بغلان ولایتلریده یوزبیرگن سوو تاشقینلری نتیجه سیده، 8 کیشی هلاک بولگن.
فاریابده، طبیعی حادثهلرگه قرشی توختهش اداره باشلیغی عبدالوهابنینگ سلاموطندارگه ایتیشیچه، سوو تاشقینی اوتکن جمعه کونگی آغیر یامغیر یاغینگرچیلیک سبب، فاریاب ولایتینینگ گرزیوان، پشتونکوت و بلچراغ تومنلریده یوزبیرگن.
فاریاب ولایتینینگ طبیعی حادثهلرگه قرشی اداره باشلیغیگه کوره، سوو تاشقینلریده 7 کیشی جان بیرگن.
عبدالوهابنینگ کوپهیتیریشیچه، مذکور سووتاشقینلر نتیجه سیده 30 گه یقین قشلاقنی سیل باسیب و بیرمینگدن آشه راق عایلهگه زیان ییتکیزگن.
شونینگدیک بغلان ولایتینینگ مرکزی بغلان ولسوالی گوهرخان بابرینینگ سلاموطندارگه ایتیشیچه، اوشبو تومنده یوزبیرگن سوو تاشقینیده بیر کیشی جان بیریب و باشقه 11 کیشی تن جراحت آلگن.
اوتکن ییل بدخشان ولایتینینگ ارگو تومنیده ییر سیلجیشی سبب، یوزلرچه کیشی جان بیرگن ایدی
جناب گوهرخاننینگ کوپهیتیریشیچه، مرکزی بغلان تومنیده 500 عایله سووتاشقینیدن ضررکورگن.
بغلان ولایتینینگ طبیعی حادثهلرگه قرشی اداره باشلیغی محمدنصیر کهزادگه کوره، سووتاشقینلری دوشی و دهنه غوری اهالیسیگه هم ضرر ییتکیزگن.
جناب کهزاد، مذکور تومنلرده زیان کورگنلر توغری سیده انیق معلومات بیرمهگن، بیراق واقعه یوزبیرگن محلده تیکشیروچی تیرمه جماعه یوباریلگنینی تیلگه آلگن.
نیچه کون آلدین بدخشان ولایتینینگ خواهان تومنیده ییرسیلجیشی نتیجهسیده 52 کیشی هلاک بولگن ایدی. گزارشلرگه کوره، حاضرگچه مذکور واقعه ضررکورگنلریگه یاردم ییتکیزیلمهگن.
هر ییل اولکه ایریم ولایتلریده سوو تاشقینی و ییرسیلجیشی کبی واقعهلر نتیجهسیده اونلرچه کیشی هلاک بولهدی. 1393 نچی ییل ثور آییده بدخشان ولایتینینگ ارگو تومنیده تاغ سیلجیش عاقبتیده اونلرچه کیشی هلاک بولیب و قنچهلری یوقالیب کیتگن ایدی. شونینگدیک مذکور واقعه روی بیریشی بیلن اونلرچه عایلهنینگ بدرغه بولیشیگه سبب بولگن ایدی.
