تینچلیک عالی کینگشینینگ ایتیشیچه، طالبلردن نیچه مملکت حمایت قیلگنی سبب، اوشبو گروه تینچلیککه قیزیقمهیدی.
بوگون ننگرهار ولایتیده اوتکزیلگن کته بیر ییغینده تینچلیک عالی کینگشی اورین باسری عطاءالرحمان سلیمنینگ ایتیشیچه، طالبلر افغانستانده تینچلیک ایستمهیدیگن مملکتلرنینگ اویینچاغی بولگن. جناب سلیمنینگ ایتیشیچه، حاضرگی طالبلر ایلگری دیک ایمس دیر.«حاضر افغانستان نیچه مملکت طالبلری بیلن روپهره بولگن.»
تینچلیک عالی کینگشی اورین باسری گه کوره، افغانستاننینگ حاضرگی اوروشی افغانلرنینگ قولیده ایمس و شو یوزهدن، قطار مملکتلرنینگ ارهلشوولری کیسیلمهگن صورتده، تینچلیک بولمهیدی.
شونینگدیک، اوشبو ییغینده ننگرهار حاکمی گلاب منگل، دین عالملریدن ییغینلر و نمایشلرده بولیب اوتگن موضوعلرنی اهالی قولاغیگه ییتکزیشینی طلب قیلدی. جناب منگلنینگ ایتیشیچه، مسجدلرنینگ منبرلریدن تینچلیک و عدالت سیسی چیقگن صورتده، زمان اوتیشی بیلن ایجابی تأثیر قوییشی ممکن.
اوشبو ییغینده ننگرهار ولایتینینگ یشاوچیلری، ولایتی کینگش اعضالری و اونلرچه دین عالمی اشتراک قیلگن.
