3- می خلق ارا محیطنی تازهسقلش کونی مناسبتی بیلن، هرات محیطنی تازه سقلش ادارهسی، مطالعات مرکزیده صورت کورگوزمهسی اوتکزیلگنی خبر قیلیندی.
اوتگن کون ( 13- جوزا )هرات محیطنی تازه سلقش ادارهسی نینگ باشلیغی نصیر احمد فضلی خلق ارا محیطنی تازه سقلش کونی نی خوش قرشیلب ایتیشیچه، مذکور اداره صورت و محیطنی تازه سقلش مطالعات مرکزینی هرات بیلیم یورتی یاردمی بیلن اوتکزیلگن.
فضلیگه کوره، مذکور کورگوزمه ده محیطنی سقلش مناسبتی بیلن 300ته صورت کورگوزمه گه قویلگن.
ولایت محلی رسمیلریگه کوره، بوکورگوزمه یولگه قویلیشی و محیطنی سقلش مطالعات مرکزیدن هدف خلق بیلیمینی یوقاری کوتاریش و محیطنی یخشی سقلش دیر.
بومراسمده قتنشگن هرات والیسی نینگ اورین باسری اصل الدین جامی نینگ ایتیشیچه، بونقه ایشلر نه فقط محیطنی سقلش ادارهسی نینگ ایشی، بلکیم برچه دولتی ادارهلر و خلق سهم آلیشلری اوچون سعی وحرکت قیلیشلری لازم.
جامیگه کوره،« هرات ولایتینینگ ادارهلری محیطنی سقلش اوچون جدی حمایت قیلشنی کوزهتیشلری کیره ک». اونینگ کوپیتیریشیچه، افغانستان بویلب شهرلر ارا محیطنی سقلش لحاظدن هرات فرقلی بیر شهر ایدی و موندن کیین هم محیط تازه سقلهنیشی اوچون حرکت قیلهدی.
هرات محیطنی تازهسقلش ادارهسی نینگ رییسی، ییر آستی سوو حماملر، قالین یووچیلر و تجارت مرکزلری تامانیدن اساسیده شکلده فایدهلنمسلیگینی ولایتده اطراف محیط افلاسلهنیشی اوچون بیرینچی عامل ایکنلیگی بارهسیده آگاهلنتیرگن.
اونگه کوره، ییر آستی سوولری اورینسیز صرفلهنیشی آلدی آلنمهگن تقدیرده، هرات قورغاق چیلیککه یوز توتیشی ممکن.
نصیراحمد فضلیگه کوره، هرات چول بیر منطقهده جایلشگنی سبب یاغینگرچیلیک 200 ملی متردن آرتیق ایمس. اما، ولایتده سوونی حددن تشقری صرفلهنیشی بو ولایتنی کیلهجکده جدی خطرلرگه روپه ره قیلهدی.
جناب فضلیگه کوره، هرات اطراف محیطنی تازهسقلش ادارهسی سوولر اورینسیز صرفلنمسلیگی اوچون ینگی بیر لایحه ایشلب چیققن، اوشبو لایحه اساسیده حماملر، موتریوویچیلر، هوتللر وتجارت مرکزلریده سوونی صرفلش تیکشیریلهدی.
کورگزمهده اشتراک قیلگنلر بوندهی کورگزمهلر اوتکزیلیشی اهالیگه اطراف محیطنی تازهسقلش اوچون یخشی تورتگی بولهدی دیگنلر.
محیطنی تازهسقلش ادارهسی نینگ حساباتی
هرات محیطنی تازهسقلش ادارهسی نینگ مسووللری، محیط افلاسلنگن لیگی اوچون انیق معلومات قولده ایمسلیگینی ایتگنلر. اما، هر ییلی مینگلب انسان اطراف محیط افلاسلیگی اوچون صحی نقطه نظردن قیینچیلیکلرگه دوچار بولهدیلر.
اوتگن کون جون آیی نینگ اوچینچیسی کابلده افغانستان یاشلر اویوشمهسی تامانیدن نشانلندی.
اطراف محیطنی تازهسقلش ادارهسی برنامهلری نینگ باشلیغی محمدکاظم همایونگه کوره، اوتگن ییللرده ساغلیقنی سقلش وزیرلیگی همکارلیگی بیلن آلیب باریلگن تیکشیروولرده هر ییلی 51مینگ انسان اطراف محیط افلاسلیگی اوچون جدی زیان کورردیلر.
او، سابق قولگه کیریتیلگن حساباتلرده مذکور رقم دن هر ییلی 3143کیشیسی کابلده اطراف محیط افلاسلیگی سبب حیاتدن کوز یومهدیلر دیگن.
افغانسان اطراف محیطنی تازهسقلش ادارهسی محیط تازهسقلهنیشی اوچون هیچ قندهی بیر ایش قیله آلمهگنی خصوصیده شکایتلر آشگن بیر چاغده افغانستان نینگ ییریک شهرلریده اطراف محیط افلاسلیگی بارهسیده خواطرلر کوپیماقده.
