افغانستان جمهور رییسی محمد اشرف غنینینگ ایتیشیچه، هیچ بیر قانون مشروع قوادن فایدهلنمسدن عملی بولمیدی و عالی محکمه ایسه قوا قانونیدن فایدهلهنیش اوچون حکومتگه رخصت بیریشی لازم.
افغانستان جمهور رییسی محمداشرفغنی بوگون (پنجشبنه) جمهور رییسلیک سراییده «ییرملی ییغینی»نینگ بیرینچی اولتیریشیده سوزگه چیقیب ایتیشیچه، مملکت عالی محکمهسی حکومتنی ایریم موردلرده اوز صلاحیتلریدن تشقری آیاق قویگنلیگینی کوزهتگن حالده، اونی آلدینی آلیش اوچون بوتونلی صلاحیتگه ایگه. اما ییرنی زوردن آلینیشی، باجآلیش و مملکتده ملی قدریتلر آیاغ آستیده بولگن تقدیرده قوانی مشروع فایدهلهنیش اجراییه قوهسینینگ صلاحیتی دیر و بوندهی صلاحیت حکومتگه بیریلیشی لازم.
«ییر استملاک قانونی» اوزگریشی اوستیده بحث ایتیلیشی اوچون اوتکزیلگن مذکور ییغینده صحبت قیلگن جمهور رییس غنی اوشبو قانونده ایریم کمچیلیکلر بارلیگی توغریسیده اشاره قیلگن.
شونینگدیک مملکت شهر قوریش ایشلری بوییچه وزیری سید سعادت منصور نادریگه کوره، افغانستانده اخیرگی اوتیزییل ایچیده یوز بیرگن اوروش دوامیده مملکت بویلیب ییر اینیقسه شهری ییرلر مدیریت ایتیلیشی جدی زیان کورگن.
جناب نادری، اوتگن ییللرده ییر مالکیت زمینهسیده افغانستاندن موجود قیینچیلیکلر شهر لر همده قیشلاقلرده دولت لایحهسینینگ عملگه آشیریلمسلیگیگه سبب بولگن دیگن. اونینگ سوزلریگه کوره، افغانستانده ییرلرنی اسمتلاک قیلیش قانونی بوندن 70 ییل آلدین توزهتیلگن و بو قانون ایسه حاضرگی شرایط اوچون جوابگر ایمس.
باشقه تامانیدن مالیه وزیرلیگینینگ اورین باسری محمد شفیقنینگ بیلدیریشیچه، ییر مالکیت قانونی اوزگرتیریلیشی مالیه وزیرلیگینینگ بودجهسی اوچون ییریک همکارلیک قیلهدی. شوکبی اونینگ بیلدیریشیچه، مذکور قانون اوزگرتیریلیشده برنامهگه آلینمهگن ییرلر مالکیتی اوچون افغانستان شهرلری ایریم قُولیلیکلرنی نظرده توتیش ضرور.
جمهور رییس غنیگه کوره، افغانستان نمایندهلرمجلسی همده سنامجلسی قانون توزهتووچی ادارهلر همکارلیگی بیلن مملکتده ییرلردن ایجابی فایدهلهنیش اوچون اساسی بیر قانون ترتیبلشلری درکار. اونگه کوره، افغانستاننینگ برچه ادارهلری اینیقسه مملکت عالی محکمهسی قانون اوزگرتیریلیشی اوچون بوتونلی صلاحیتگه ایگه.
شونینگدیک جمهور رییس بو خصوصده تیگیشلی وزیرلیکلردن قانونگه اوزگرتیریش کیریتیلمسدن آلدین کیلهجکده قیینچیلیک توغردیرمسلیک اوچون برچه تامانلرینی اورگهنیب چیقیشلری بارهسیده علیحده تاکیدلهگن.
غنیگه کوره، قانوندن اساسی نیت، خلق آسایشتهلیگی دیر و برچه قانونلرده اهالینینگ حق حقوقی انابتگه آلینیشی ضرور. اونینگ سوزلریگه کوره، حاضرگی کونده ییر مالکیت بولیمیده شخصی منفعت همده اجتماعی آسایشتهلیک اوچون اورتهده هیچ قندهی برابرلیک موجود ایمس.
افغانستان جمهور رییسی محمداشرفغنی حاضرگی کونده کابلده مینگلب و باشقه ولایتلرده مینگلب جریب ییر زوران شخصلر تامانیدن تارتیب آلینگن بیر چاغده ییر مالکیت قانونی اوزگرتیریلیشینی تیلگه آلگن. لیکن، مذکور ییرلر زوروان کیشیلر قولیدن قیتهدن آلینیشی اوچون هنوزگچه افغانستان حکومتی تامانیدن عملده هیچ قندهی بیر ایش قیلینگی کوزهتیلمهگن.
