مملکت تشقی ایشلر وزیری صلاحالدین ربانینینگ ایتیشیچه، افغانستان هیچ قچان علاقهسینی باشقه مملکتلر اوچون اوز علاقه سینی کیسمهسی برچه مملکتلر بیلن دوستلشهدی.
جناب ربانی، شنبه کونی یوزکونلیک برنامهسینی ارایه ایتیش چاغیده ایتیشیچه، افغانستان، هند و پاکستان بیلن یخشی علاقهده بولیش اوچون سعی و حرکت قیلهدی و بیر مملکت اوچون باشقه مملکتلر بیلن علاقهسینی کیسه آلمهیدی.
اونگه کوره، هند و پاکستان علاقهسی افغانستان اوچون ایجابی تاثیر قویهدی و کابل ایکی مملکت بیلن دوستانه علاقهده بولیشینی ایستهیدی.
تشقی ایشلر وزیرینینگ کوپهیتیریشیچه، مملکت تشقی سیاستی حاضرگی وضعیتدن چیقیشی لازم و ینگی موسومده تشقی علاقه اورتگه کیلیشی کیرهک.
ایتیلیشیچه، ینگی حکومت اورتگه کیلگنیدن کیین، افغانستان تشقی سیاستی کوپینچه پاکستان تامانیگه قرهتیلگن و بو علاقه مملکت ایچیده ایریم تنقیدلرگه هم روپهره بولدی.
امنیت و اقتصاد؛ تشقی ایشلر وزیرلیگینینگ یوزکونلیک برنامهسیدهگی بیرینچی لایحهسی دییلهدی
جناب ربانی یوزکونلیک برنامهسینی 60 برنامه شامل بیش بولیمده ارایه قیلدی.
جناب ربانی، یوزکونلیک برنامهسیدن هدف، ایجابی خذمتلر عملگه آشیریش و خرجتنی کمه یتیریش بیلیب ایتیشیچه، بو ایکی هدف بیلن تشقی ایشلر وزیرلیگی ایجابی ایشلر عملگه آشیریلیشینی کوزهتدی.
اوزگریش کیلتیریش، تشقی سیاست، تشقی علاقه، افغانستان مهاجرلری و فقرالر حقوقینینگ ایزلش، انسان حقوقی و عیاللر حقوقی تشقی ایشلر وزیرلیگینینگ یوزکونلیک برنامهسیده بیش بولیمینی تشکیل ایتکن.
تشقی ایشلر وزیری، امنیت و اقتصادنی افغانستان تشقی علاقهسیگه باغلیق بیلیب، مذکور وزیرلیک یوزکونلیک برنامهسیده جایلشتیرگن.
شونینگدیک 12 شرط نامهنی ایزلش، قوشنی مملکتلر بیلن امنیتی و سیاسی همکارلیکلر و شانگهای تشکیلاتیده افغانستان عضویتی اوچون سعی و حرکت قیلیش، وزیرلیک باشقه برنامهلریدن بولگن.
تشقی ایشلر وزیرینینگ ایتیشیچه، بو وزیرلیک بیرینچیدن افغانستان سیاسی نمایندهلیگی بولمهگن مملکتلرگه ایلچی خانه ایجاد ایتهدی.
یوناندهگی افغانستانلیکلر قیینچیلیگی حل ایتیش اوچون مذکور مملکتده ایکی ینگی نمایندهلیک ایجاد ایتیش و هند کلکته سیده افغانستان قنسولی آچیلیشی تشقی ایشلر وزیرلیگینینگ باشقه برنامهلری بولگن.
افغانستان، پاکستان و ایراننینگ اوچ تامانلمه اولتیریشینی ایزلش، افغانستان، ایران، پاکستان و باش پناه ایزلاوچیلر توغری سیده گی بیرلشگن ملتلر یوکسک کمیشنرینینگ تورت تامانلمه اولتیریشینی ایزلش و باشقه مملکتلرده افغانستان اوقووچیلری قیینچیلیگی ایچیمی اوچون کمیسیون ایجاد ایتیش تشقی ایشلر وزیرلیگینینگ یوزکونلیک برنامهسینی بیرقسمی دیر.
