بیرلشگن ملتلر تشکیلاتی جاری میلادی ییل نینگ بیرینچی اوچ آیی جریانیده تینچ اهالی قربانلریدن 1773 واقعهنی رویخطگه آلگن.
بیرلشگن ملتلر تشکیلاتی نینگ ینگی گزارشی گه کیریتیلگن معلوماتلرگه کوره، جاری میلادی ییل نینگ جنوری آیی باشلهنیشیدن مارچ آیی نینگ آخریگچه افغانستانده یوز بیرگن قوراللی آتیشمهلر نتیجهسیده 581 کیشی هلاک و باشقه 1192 کیشی یرهلنگن. شونینگدیک، یوناما تامانیدن بیریلگن رقملر اساسیده، بو آرهده 150 باله هلاک و باشقه 432 باله یرهلنگن.
بو گزارش، اوتگن میلادی 2018- ییل نینگ بیرینچی اوچ آیی گه نسبتن جاری میلادی 2019- ییل نینگ بیرینچی اوچ آیی ده تینچ اهالی قربانلری 23% کمهیگنینی کورستهدی و میلادی 2013- ییلدن بویان بو ایسه اینگ قویی رقم ییل نینگ بیرینچی اوچ آییده بولگن.
بیرلشگن ملتلر تشکیلاتی گه کوره، خودکش هجوملریده قربانلر رقمی 76% کمهیگنی باعث، تینچ هالی قربانلری کمهیگن.
مذکور تشکیلاتی جاری میلادی ییل نینگ بیرینچی اوچ آیی ده تورت خودکش و پارتلاوچی ماده جایلشتیریلگن پارتلش نی رویخط گه آلگن و بو واقعهلر نتیجهسیده 178 تینچ اهالی قربان بولگن و اوتگن میلادی 2018- ییل نینگ بیرینچی اوچ آیی ده 19 واقعه رویخط گه آلینگن و نتیجهده 751 کیشی قربان بولگن.
.jpg)
تینچ اهالی بیرینچیدن ییر آتیشمهلری، ایکینچیدن ییرلشتیریلگن پارتلاوچی مادهلر پارتلهشی و اوچینچیدن هوایی عملیاتلر نتیجهسیدن کوپلب قربانلیک بیرگنلر و بولردن سونگ، خودکش هجوملر، سِرلی قتللر و اوتمیشلردن قالگن پارتلمهگن پارتلاوچی مادهلر پارتلهگنی باعث، قربانلیک بیرگنلر.
کابل، هلمند، ننگرهار، فاریاب و قندوز ولایتلری نینگ یشاوچیلری کوپلب قربانلیک بیریش گه گواه بولگنلر.
بیرلشگن ملتلر تشکیلاتی تینچ اهالی قربانلریدن 39% نی طالبان گه، 12% نی داعش گروهی گه، 17% افغانستان ملی خوفسیزلیک کوچلری گه، 13% نی چیتایللیک حربی کوچلرگه، 3% نی دولت گه قرشی نامعلوم گروهلرگه، 2% دولت گه طرفدار قوراللی گروهلرگه و 2% نی نامعلوم گروهلر یا-ده دولت گه طرفدار گروهلرگه نسبت بیرهدی.
حکومت و طالبان گروهی حاضرگچه بو گزارش توغریسیده عکسالعمل بیلدیرمهگن.
شو توغریده…
1397- ییلده تینچ اهالی قربانلری 19% کوپهیگن
