غور امنیتی رسمیلری نینگ ایتیشلریچه، عصیانچیلرگه قرشی کورهشیش اوچون 500 دن آشه ولایت یشاوچیلریدن قورال کوتاریب مردمی کوچلرگه قوشیلگنلر.
غور پولیسی نینگ وقتینچه باشلیغی ضیاءالدین ثاقب نینگ سلاموطندارگه ایتیشیچه، اوشبو قورال کوترگن یشاوچیلر ولایتنی جنگریلردن پاکلش اوچون بولهدیگن عملیاتلرده اشتراک ییتهدیلر.
غور پولیس سرپرستی نینگ کوپهیتیریشیچه، «37ظفر» ناملی عملیاتده فیروزکوه شهری نینگ غلمین منطقهسینی جنگریلردن پاک قیلگنلر. اونگه کوره، مذکور عملیات دوامیده 8جنگری طالب اولدیریلگن.
جناب ثاقب نینگ تأکید قیلیشیچه، «37ظفر» عملیاتی غور ولایتیدن بوتونلی عصیانچیلر نابود بولیشیگه قدر دوام ییتهدی.
بوندن آلدین داعش جنگریلری ولایت مرکزی فیروزکوه شهری نینگ 10 کیلومترلیگی کاسی منطقهسیده بیر قومندانلری اولیشیدن کیین قصد آلیش نیتیده تینچ اهالیدن 30 کیشینی اوقگه بیردی.
ایندی ایسه غور امنیتی تأمین قیلیش و جنگریلردن قصد آلیش اوچون، ولایت یشاوچیلریدن کوپیسی قورال کوتریب امنیتی کوچلریانیده عصیانچیلرگه قرشی اوروشماقده تیارگرلیک کورستگنلر.
