بوگون (یکشنبه) ایرتهلب ساعت 9 ده، لوگر ولایتی استیناف محکمهسینینگ باشلیغی و ایشچیلرینی آلیب کیتهیاتگن موتر خودکش هجومگه دوچ کیلگن. اوشبو واقعهده بیر قوروقچی پولیس هلاک بولگن. شونینگدیک، تورت تینچ اهالی و محکمه ایشچیلریدن 3 تهسی یرهلنگن.
لوگر والیسینینگ سوزلاوچیسی سلیم صالحنینگ، اوشبو واقعه قندهی بیر شکلده یوزبیرگنی توغریسیده سلاموطندارگه ایتیشیچه، بیر موتر سایکل هیداوچیسی، پلعلم استیناف محکمهسینینگ باشلیغی و ایشچیلرینی آلیب کیتهیاتگن موترنی تانیگنیدن کیین، اوزینی موترگه اوریب پارتلهتگن.
لوگر والیسی سوزلاوچیسینینگ ایتیشیچه، یرهلنگنلرگه، استیناف محکمهسینینگ باشلیغی قاضی حقیقالرحمان حقمل، شهری محکمه باشلیغی عبدالباسط یوسفی و دیوان جزا باشلیغی قاضی محمد عمر شامل بولگن.
ایتیلیشیچه، یرهلنگنلر ایچیده، مذکور اوچ قاضی شامل 4 کیشینینگ احوالی جوده هم آغیر دیر.
حاضرگچه اوشبو هجوم مسؤولیتینی هیچکیم اوز ذیمهسیگه آلمهگن.
