هلمند ولایتینینگ ملی امنیت ریاستی منبعلریدن بیری آتی فاش ایتیلیشینی ایستمهی سلاموطندار بیلن اوتکزگن صحبتیده، مذکور ولایتنینگ خانشین تومنی قوراللی طالبلر نظارتیگه اوتگنیدن خبر بیرگن. منبعنینگ ایتیشیچه، قوراللی طالبلر اوتگن کیچه مذکور تومن اوستیگه هجوم اویوشتیریب نظارتگه آلگن.
منبعنینگ ایتیشیچه، امنیتی کوچلر بیلن طالبلر اورتهسیده یوزبیرگن توقنهشووده چیگره پولیسلریدن 11 تهسی هلاک بولیب و باشقه 9 تهسی جراحت آلگن.
شونینگدیک، قوراللی طالبلرنینگ سوزلاوچیلریدن بیری قاری یوسف احمدینینگ میدیاگه ایتیشیچه، مذکور تومننی نظارتگه آلگنلر و نتیجهده امنیتی کوچلرگه آغیر زیان ییتکیزگن.
بیراق، هلمند والیسینینگ سوزلاوچیسی عمر زواک، خانشین تومنی قوراللی طالبلر نظارتیگه اوتگنینی قبول قیلمهیدی. جناب زواکنینگ سلاموطندارگه ایتیشیچه، توقنهشوو اوتگن کیچه یوزبیرگن و حاضر وضعیت عادی حالتگه قیتگن.
چیگره کوچلری تورتینچی لوا قومندانی الله نورخان، مذکور تومن اوستیگه قوراللی طالبلر تامانیدن اویوشتیریلگن هجومنی قبول قیلهدی، بیراق یالغیز بیر حربی عسکر هلاک بولگنینی تَن آلهدی. اوشبو قومنداننینگ کوپهیتیریشیچه، حاضرگچه توقنهشوو دوام ایتماقده و قربانلیک توغریسیده دقیق رقم قولگه کیریتیلمهگن.
گزارشلر اساسیده، اوتگن بیر آی ایچیده، قوراللی طالبلر ایکی مرته مذکور تومننی نظارتگه آلگن.
