«دوشنبه» کون هلمند ولایتینینگ قطار یشاوچیلری و هیداوچیلری، مذکور ولایتده ناتینچلیک میزانی آشگنیدن خواطر بیلدیریب ایتیشیچه، اوشبو ولایتنینگ ناوه، نادعلی، مارجه، گرمسیر، خانشین و دیشو تومنلرینینگ باردی و کیلدی یوللریده طالبلر ماین جایلشتیرگن.
اولرنینگ سلاموطندارگه ایتیشیچه، قتناو یوللر یاپیلیشی، اوشبو ولایت اهالیسینینگ کوپینچه قیینچیلیککه روپهره قیلگن. یشاوچیلرنینگ ایتیشیچه، یول توسیقلیگی باعث، کسللریدن کوپینچهسی یولده جان بیرهدی.
اوشبو ولایت یشاوچیلرینینگ کوپهیتیریشیچه، . بوندن آلدین 10 دقیقهده اوتهدیگن یولدن حاضر ساعتلرده هم اوتیب بولمهیدی. اولر، طالبلردن قتناو یوللرنی تینچ اهالی یوزیگه آچیشلرینی سورهیدیلر.
بیراق، قوراللی طالبلرنینگ سوزلاوچیسی قارییوسف احمدینینگ سلاموطندارگه ایتیشیچه، اولر برچه قتناو یوللرنی تینچ اهالی یوزیگه آچگنلر، یالغیز بو یوللر دولت رسمیلری و حربیلر یوزیگه یاپیلگن.
اوشبو خبرنی تصدیقلگن هلمند حاکمی حیاتالله حیاتنینگ ایتیشیچه، تیزلیکده قتناو یوللرنی آچیش اوچون «قهر میوند» ناملی حربی عملیات یولگه قویهدیلر. اونینگ ایتیشیچه، بو عملیاتده گرمسیر، نادعلی، مارجه تومنلری و لشکرگاه شهرینینگ تورتینچی امنیتی حوزهسی طالبلردن تازهلنهدی و یاپیلگن یوللر هم ترافیک یوزیگه آچیلهدی.
ترقهتیلگن گزارشلرگه کوره، مذکور یوللرنینگ ناتینچلیگی نتیجهسیده، 15 تینچ اهالی هلاک بولگن و باشقه 10 تینچ اهالی یرهلنگن.
