خاکریز تومنیده آتی فاش ایتیلیشینی ایستمهگن بیر منبعنینگ سلاموطندارگه ایتیشیچه، اوتگن کیچه قوراللی طالبلر خاکریز تومنی کرزعلی منطقهسیده حربی قرارگاه اوستیگه گروهی هجوم قیلگن. منبعگه کوره، اوشبو هجومده طالبلر کمیده 40 امنیتی عسکرنی آتیب اولدیرگن و باشقه بیرقطارینی اوزلری بیلن آلیب کیتگن.
تومن مرکزیدن 12 کیلومتر اوزاقده جایلشگن کرزعلی قرارگاهیده چمهسی 70 عسکر وظیفه قیلر ایکن.
205 اتل قول اردو مسؤوللری و قندهار محلی رسمیلری حاضرگچه بو خبرنی تصدیقلمه گنلر، بیراق قندهار پولیس قومندانلیگی سوزلاوچیسی ضیاء درانی، اوشبو تومن اوستیگه طالبلر تامانیدن اویوشتیریلگن هجومنی تصدیقلهیدی.
طالبان گروهی سوزلاوچیسی قاری یوسف احمدی، حربی عسکرلر آتیب اولدیریلگنینی تصدیقلهیدی.
قوراللی طالبلرنینگ خبرنامهسیده کیلیشیچه، اوشبو گروه جنگریلری 74 حربی عسکرنی آتیب اولدیرگنلر و باشقه 6 عسکرنی اوزلری بیلن آلیب کیتگن.
