.jpg)
ناتو باشکاتبی ینس استولتنبرگ بروکسلده، ناتو گه اعضا مملکتلر وزیرلری نینگ ییغینی چیککهسیده خبری بیر ییغین اوتکزیب ایتیشیچه، افغانستان داعش گه قرشی کورهش نی بیرینچی چیزیغیده دیر.
جناب استولتنبرگ ننگرهارده بیر مسجدگه یوزبیرگن خودکش هجوم گه اشاره قیلیب ایتیشیچه، افغانستان داعش گه قرشی کورهش نی بیرینچی چیزیغیده دیر و افغانستانده داعش مغلوب ایتیلیشی ناتو مأموریتی نینگ بیر بولیمی دیر.
جناب استولتنبرگ نینگ ایتیشیچه، ناتو افغانستان توغریسیدهگی مأموریتی گه متعهد قالهدی و افغانستان ترورچیلرگه تینچ یاشیرین جای بولمهسی اوچون ایشانچ قولگه کیلتیریش نی ایستهیدی.
ناتو باش کاتبی گه کوره، 6 هفتهدن کیین دسامبر آیی گه لندن گه ناتونینگ عاجل ییغینی یولگه قوییلهدی و بو ییغینده 2024- ییل گه قدر ناتونینگ افغانستانده همکارلیگی بحث گه آلینیشی ممکن.
استولتنرگ بیرلشیکلریدن داعش نی مغلوب ایتیش اوچون عراق، افغانستان و سوریهده اولرنینگ تعلیمی مأموریتلریدن حمایت قیلیشلرینی سورهگن.
جناب استولتنبرگ نینگ ایتیشیچه، ناتو افغانستان تینچلیک سوزلشووی قیتهدن باشلهنیشدن حمایت قیلهدی. اونگه کوره، طالبان اوروش میدانیده غالب چیقه آلمهیدی و مذاکره میزی گه حاضر بولیشلری کیرهک.
او، شونینگدیک افغانستان سیلاوی گه دخیل تامانلردن سیلاو نتیجهسیگه حرمت قوییب و سیلاولر کمیسیونی گه اوز وظیفهلرینی بجریش اوچون رخصت بیریشلرینی سورهگن.
شو توغریده:
- ناتو باش کاتبی: طالبان گروهی نینگ حرکتی دایمی تینچلیککه ایشانمهسینی کورستهدی
استولتنبرگ: ناتو و بیرلشیکلری افغانستاندن حمایت قیلیش گه دوام بیرهدی
ناتو: بیزلر افغانستاننی ترک قیلیش ایمس، تینچلیک شرطنامهسی اوستیگه ایشلهیمیز!
.jpg)
افغانستان مدافعه وزیرلیگی سوزلاوچیسی اورینباسری فواد امان نینگ ایتیشیچه، ناتو مدافعه وزیرلری نینگ ییغینیده ناتو مأموریتی نینگ قندهی دوام تاپیشی، تعلیمات، مصلحت بیریش و امنیتی کوچلرگه یاردم بیریش بحث گه آلینیشی ممکن.
جناب امان گه کوره، مذکور ییغین گه اشتراک قیلیش اوچون بروکسل بارگن مدافعه وزیرلیگی سرپرستی اسدالله خالد، ناتوگه اعضا مملکتلرنینگ مدافعه وزیرلری بیلن اوچرهشی ممکن.
اونینگ کوپهیتیریشیچه، جناب خالد ترورچیلیک که قرشی کورهش، افغانستانده ناتو کوچلری نینگ حضوری و اولرنینگ مأموریتی نینگ دوامی اوستیگه صحبت اوتکزیشلری ممکن.
ناتوگه اعضا مملکتلر وزیرلری نینگ ییغینی جاری عقرب آیی نینگ 2- و 3- کونی بروکسل گه یولگه قوییلیشی ممکن و اولرنینگ اصلی بحثی داعش و خلقارا ترورچیلیک که قرشی کورهش دیر.
