غزنی امنیتی مسووللری نینگ ایتیشیچه، بو واقعه بوگون "سهشنبه" ایرتهلب ساعت 10 اطرافیده غزنی بیلیم یورتی نینگ ادبیات بولیمیده درسی صنفلردن بیریده یوز بیرگن.
غزنی پولیس قومندانلیگی سوزلاوچیسی احمدخان سیرت نینگ ایتیشیچه، اوشبو واقعه صنفده جایلشتیریلگن ماین نینگ پارتلیشی سبب، یوز بیرگن.
او تلفات خصوصیده معلومات بیرمهگن.
بیراق، غزنی کسلخانهسی نینگ باش طبیبی بصیر رحمتی نینگ ایتیشیچه، واقعه یوز بیرگن محلدن 21 یرهدار کیشی کسلخانهگه انتقال بیریلگن.
جناب رحمتیگه کوره، یرهلنگنلردن کوپراغی قیزلر دیر.
حاضرگهقدر هیچبیر گروه بو واقعه مسوولیتینی بوینیگه آلمهگن.
