میدانوردک ولایتینینگ محلی رسمی لریگه کوره، اوتگن کیچه طالبان جنگره لریدن اونلرچهسی اوشبو ولایت جلریز تومنیده بولگن امنیتی پوستهلر اوستیگه هجوم قیلگن.
میدانوردک ولایت کینگشی اعضاسی شریفالله هوتکنینگ سلاموطندارگه ایتیشیچه، آتیشمه نیتجهسیده امنیتی کوچلرنینگ 11 پوستهسی طالبان تصروفیگه اوتگن و امنیتی کوچلردن 90 تهسی حربی تجهیزات لری بیلن اوشبو گروه قولیگه توشگن. اونینگ ایتیشیچه طالبان جنگره لری امنیتی پوستهلرنی یاندیرگن.
عینحالده میدانوردک پولیس قومندانلیگینینگ سوزلاوچیسی عبدالرحمان منگلنینگ سلاموطندارگه ایتیشیچه، لوگر، غزنی و هلمند ولایت لریدن طالبان جنگره لری توپلهنیب جلریز پوستهلری اوستیگه هجوم قیلگن.
اونینگ ایتیشیچه، مذکور هجوم کینگه اوریلگن و حربی عملیاتنینگ دوامی بار. جناب منگل گه کوره، آتیشمه جریانیده طالبان جنگره لریدن 5 تهسی هلاک و باشقه اونلرچهسی یرهلنگن.
طالبان گروهی بو خبرنی رد یا-ده تصدیقلمهگن.
