بغلان ولایتی کینگش باشلیغی محمدصفدر محسنینینگ ایتیشیچه، تورت کون آلدین ملی اوردو خاص کوچلری، چیتایللیکلر همکارلیگی بیلن مذکور ولایت دندغوری منطقهسینی طالب‌لر وجودیدن تازهلش اوچون حربی عملیات یولگه قویگنلر؛ بیراق "پنجشنبه" کونی بیللی بولمهگن دلیل باعث منطقهنی ترک قیلیب کیتگنلر و منطقه 10 قیشلاغی قیتهدن طالب‌لر قولیگه توشگن.
بغلان ولایتی کینگش باشلیغیگه کوره، محلی مسووللر و خاص کوچلر آرهسیده هیچقندی هماهنگلیگ یوق دیر و اوشبو عملیات یولگه قویلیشیدن ولایت مقامی، پولیس قومندانلیگی، ملی اوردو و ولایتی کینگش جریان گه قوییلمهگن.
ملی اوردو خاص کوچلریدن بیر منبعنینگ کیملیگی سیر قالیشینی ایستهب سلاموطندارگه ایتیشیچه، اولرنینگ عملیاتلریدن مقصد، طالبلرگه تلفات یتیشتیریش و اولرنینگ مرکزلرینی نابود قیلیش ایدی؛ بیراق عملیاتدن سونگ بغلان محلی مسووللریگه اوشبو منطقهنی سقلش کوچی یوق ایکن.
عینحالده، بغلان پولیس قومندانی اکرامالدین سریعنینگ ایتیشیچه، اولر بو عملیاتده اشتراک قیلگن ایدیلر و منطقهنی سقلش اوچون مرکزی حکومت تامانیدن اولرگه هیچقندی دستور بیریلمهگن.
شونینگدیک بغلان ولایتی کینگش اورین باسری شمسالحق بارکزی، بو عملیاتنی ناکام عنوان قیلیب و مذکور عملیاتدن تیینچاهالی زیان کورگن دیدی. جناب بارکزیگه کوره، عملیات باشلنیشی بیلن اهالی اویلرینی ترک قیلگن و قطار مسکونی اویلر تخریب ایتیلیب شونینگدیک یوزلرچه عایله بدرغه بولگن.
امنیتی مسووللرنینگ ایتیشیچه، پلخمرینینگ جوینو و احمدزی منطقهسی طالبلرنینگ اصلی مرکزلریدن دیر و اوشبو گروهنینگ مملکت شمالیدهگی هجوملری بو مرکزلردن رهبرلیک ایتیلهدی.
