ریکانینگ آلتینچی اولتیریشی منطقه و قوشنی مملکتلر نمایندهلری، شونینگدیک افغانستاندهگی بیرقطار فعال ادارهلر و تشکیلاتلرنینگ نمایندهلری حضوریده بوگون پنجشنبه کابلده یولگه قوییلدی. اوشبو اولتیریش افغانستان تشقی ایشلر وزیرلیگی سیاسی اورین باسری حشمت کرزینینگ، منطقه اقتصادی وضعیتی یخشیلنیشی اوستیگه ریکا نقشی و اهمیتی توغریسیده بولگن سوزلری بیلن باشلندی.
جناب کرزیگه کوره، ریکا اولتیریشیدیک اولتیریشلر یولگه قوییلیشی، منطقه مملکتلری اوچون یخشی بیر فرصت بولهآلهدی. اوشبو اولتیریش اساسیده، مرکزی آسیا اقتصادینی کیلهسی اون و اون بیش ییلگچه جنوبی آسیا بیلن باغلب و منطقهنی اقتصادی مرکزگه اوزگرتیرهدی.
تشقی ایشلر وزیرلیگی سیاسی اورین باسری، کیلهسی اون بیش ییل اوچون بولگن ریکا اقتصادی ریجه توغریسیده بیزلر مرکزی آسیا و جنوبی آسیا کیلهسی اون بیش ییلده دنیا اقتصادی توغریسیده کوپریک بولیب و اقتصاد مرکزیگه اوزگریشی خصوصیده برچه گواه بولگنینی ایتدی. بانکدارلر و اقتصادچیلرگه کوره، اوشبو منطقه اقتصادی جهتدن تیز اوسیشی ممکن. جناب کرزینینگ کوپهیتیریشیچه، بو تخمینلر دوامی بیزلرنینگ اراده میزگه باغلیق دیگن.
جناب کرزیگه کوره، بیزلر حقیقت بیلن روپهره بولیشیمیز لازم. اقتصاد اوسیشی، ترانزیتی نرسهلر و سوداگرلیککه توسیق بولهدیگن سیاسی حساسیتلرگه قرشی کورهشیمیز کیرهک.
او، میلادی 2005- ییل ریکا بیرینچی اولتیریشی بیلن ریکا آلتینچی اولتیریشینی قیاسلب ایتیشیچه، اوتکن اون بیش ییلگه قیاس جرأت بیلن ایتیش لازم، حاضرگی شرایطده، ریکا و افغانستان دنیا جماعهچیلیگی دقتینی جلب ایتکن. آلتینچی ریکا، اقتصادی و ترانزیتی جهتدن افغانستان اوچون جودههم اونملی دیر؛ افغانستان اقتصادی اوسگن صورتده، منطقه اقتصادی اوستیگه ایجابی تاثیر تشلهیدی.
تشقی ایشلر وزیرلیگی سیاسی اورین باسری، منطقهده افغانستان اقتصادی موقعیتی و اوشبو مملکت اونگیده بولگن فرصتلرگه اشارهقیلیب ایتیشیچه، هندوستان هردایم بیزلرگه دوست و یاردم بیریب کیلگن و مملکتدهگی ایریم قیته قوریش و ینگیلشتیریش لایحهلرگه سهم آلگن. حاضر ایران چابهار بندری یکونلنماقده و تیزلیکده اوشبو بندردن صادراتی و وارداتی نرسهلر اوچون فایدهلنیش ممکن. شونینگدیک افغانستان، ترکمنستان، گرجستان، آذربایجان و ترکیه، ترانزیتی قتناو یول توزه تماقده و بو یول چیننی مدیترانه بیلن باغلهیدی. او شونینگدیک، برق بولیمیگه منطقه مملکتلری همکارلیکلری توغریسیده ایتیشیچه، «کاسا بیرمینگ» و «تاپی» برق بولیمیگه یخشی زمینه یرهته آلهدی. قوشنی مملکتلر، اوشبو ریجهلر عملگه آشیریلیشی خصوصیده هر بولیمگه بیری- بیراویگه یاردم بیریشی لازم.
اولتیریش دوامیده، افغانستان اقتصاد وزیری عبدالستار مراد، ریکانینگ آلتینچی اولتیریشی اهمیتیگه اشارهقیلیب ایتیشیچه، حاضرگی شرایطده دنیا جماعهچیلیگی یاردملری کمهیگن و چیت ایللیک کوچلرهم افغانستاندن چیقماقده، بیزلر اویغانیب و کیلهجکده افغانستان اقتصادی اوچون ریجه تیارلهشیمیز کیرهک. شونینگدیک، شریکلریمیزدن بیرقطاری حاضرگی شرایطده کته اقتصادی قیینچیلیککه روپهره بولیب تورگن. دنیا بازارلریده نفت نرخی ارزانلیگی، بازارلرده پول نرخی کملیگی و منطقهدهگی سیاسی و امنیتی قیینچیلیکلر، مرکزی آسیا و جنوبی آسیا مملکتلریگه قرشی کته توسیق دیر.
جناب مراد سوزلری دوامیده، منطقه اقتصادی کیلهجکی، ایکینچیلیک، سوداگرلیک، ترانزیت، برق و کانلرنی قازیب چیقاریش بولیملری همکارلیگی و کینگیتیریلیشیگه باغلیقلیگینی ایتدی.
اقتصاد وزیرینینگ ایتیشیچه، ریکا اولتیریشی بیرینچی کونی، زمینهلرنی تانیش، اقتصادی امکاناتلر خصوصیده بولگن برنامهلر ریجهسی و منطقه لایحهلری توغریسیده بولگن. افغانستان شریکلری بو اولتیریشده، افغانستانگه دولتی و غیر دولتی اقتصادی بولیملرگه یاردم بیریب، افغانستاننی منطقه مملکتلریدن تشقری باغلیقلیگینی کمهیتیریشی خصوصیده سعی و حرکت قیلیشی کیرهک.
مملکت اقتصاد وزیرینینگ سوزلری یکونلنگنیدن کیین، مرکزی آسیا و جنوبی آسیا مملکتلری اورتهسیده اقتصادی سوزلشوولر باشلهنیب و افغانستان اقتصادی امکانیتلری بحثگه آلیندی.
