مملکت جمهور رئیسی محمد اشرف غنی، پکتیا ولایتی کینگش اورین باسری ایوب غروال نینگ ترور قیلینیشیگه قرشی طالبان گروهیدن مملکتده دایمی تینچلیک تامینلنیشی و تینچلیک سوزلشوولر نتیجه بیریشی اوچون آتیشکیسینی قبول قیلیشینی سورهگن.
بوگون "شنبه" جمهورلیک ریاستی نینگ جناب غنی دن نقل قیلیب ایتیشیچه، دایمی تینچلیک تامینلنیشی افغانستانلیکلر ارا سوزلشوولرنینگ اصلی مقصدی دیر و بو مقصد گه قول تاپیش اوچون دایمی آتیشکیسین اعلان قیلینیشی کیرهک.
شونینگدیک، جمهورلیک ریاستی بیرینچی اورین باسری امرالله صالح نینگ پکتیکا پولیس قومندانلیگی خوفسیزلیک آمری آصف توخی نینگ هلاک ایتیلگنی خصوصیده یازیشیچه: «طالبان مملکت ده اوروشنی دوام بیریش بیلن گناه و زوروانلیک دوسی لرینی کوچلی قیلهدی.»
عینحالده، ملی مصالحه کینگشی نینگ سیاسی اورین باسری اسدالله سعادتی نینگ « تینچلیک سوزلشوو» نامیده یولگه قوییلگن ییغینده ایتیشیچه، سوزلشوولرنی دوامی بار و تینچلیککه قرشی موانعلرنی کوتاریش اوچون سعی و حرکت قیلینماقده.
پکتیا ولایتی کینگش اورین باسری ایوب غروال بوگون "شنبه" ایرتهدن چاغیده اوشبو ولایت مرکزی گردیز شهریده ناتانیش قوراللی کیشیلر تامانیدن اولدیریلدی.
