جوزجان ولایتی نینگ درزاب تومنیده داعش جنگریلری 5 یوک تشوچی موترنی توختهتیب، هیداوچیلری و 10 دکاندارنی اوزلری بیلن بیرگه آلیب کیتگن.
قوشتیپه تومنی محلی رسمیلری نینگ خبرنی تأیید قیلیب ایتیشیچه، بوگون (دوشنبه) ایرتهلب داعش جنگریلری موترلرنی درزاب تومنی باشلیغی تامانیدن موترلری ایریاغی توخته تیلیشی اوچون توخته تگن.
قوشتیپه تومنی حاکمی بایمرادنینگ سلاموطندارگه ایتیشیچه،، داعش جنگریلری موترلریگه بیریله دیگن ییریاغی درزاب تومنی حاکمی تامانیدن توخته تیلگنی اوچون دوکاندارلرنینگ ییگولیک آذوقه دن تولدیریلگن بیش موترلرینی توخته تگن.
اونینگ ایتیشیچه، داعش جنگریلری درزاب تومنی مذکور گروهگه نفت مادهلرینی تومن سردره قیشلاقیگه انتقال بیریش رخصتینی بیرمه گونگه قدر، قولگه آلینگن شخصلرنی قویبرمسلیگینی تیلگه آلگن.
بیراق، درزاب تومنی رسمیلری نینگ ایتیشیچه، داعش نفرلری مذکور تومن «ترکمن اولدی» و «خانقا» قیشلاقلری دکاندارلری نینگ 4 موترگه آرتیلگن ییگولیک مادهلر و تجاری کالالرینی انیق بولمه گن دلیللر بیلن توخته تگن.
درزاب حاکمی رحمتالله حشر نینگ سلاموطندارگه ایتیشیچه، حاضرگه قدرتومن دوکاندارلری نینگ ییگولیگ آذوقه لری و اوزلری قوشیمچه هیداوچیلر وضعیتیدن هیچ قندهی خبر قولده ایمس.
بوندن آلدین درزاب تومنی حاکمی اوشبو تومن ناتینچ منطقهلریده جملهدن سردره قیشلاقیده نفت مادهلری ایتکزیب بیریلیش آلدینی آلگن ایدی.
