افغانستان ساغلیقنی سقلش وزیرلیگی رسمیلری نینگ ایتیشیچه، میلادی 2018- ییلگچه افغانستان ده هیچ بیر باله فلج کسللیگی گه چَلینمهیدی.
مملکت ساغلیقنی سقلش وزیری فیروزالدین فیروز دوشنبه کونی بیر خبری ییغینیده بو مطلبنی اظهار قیلیب ایتیشیچه، اوچ ییلگچه افغانستانده فلج واقعهسینی یوقاتیش اوچون سعی و حرکت قیلهدی.
جناب فیروز، جاری ییلده بو کسل لیکدن یالغیز اوچ واقعه کورینگن، بو جملهدن ایکی واقعه فراه ولایتیده و بیر واقعه ایسه هلمند ولایتیده روی خطگه آلینگن دیگن.
جناب فیروزگه کوره، فلج واقعهسی کوپیچه نایجیریا و پاکستانده کوزه تیلهدی.
جناب فیروزنینگ ایتیشیچه، پاکستان رسمیلری بیلن سوزلهشیب دیورند چیگرهسی منطقهسیده طبی مرکز ایجاد ایتیب مذکور مملکتده حیات کیچیره دیگن افغانستانلیک بالهلرنی فلجگه قرشی ایملش لایحهسی باشلنهدی.
جناب فیروز بو اولتیریشده مذکور وزیرلیکنی اوتکن اوچ آیده قیلگن ایشلری بارهسیده اشاره قیلیب، ساغلیقنی سقلش وزیرلیگی مملکتنینگ ایریم اوزاق منطقهلریگه صحی خذمت بجرگن دیگن.
او، بیر ییلده افغانستانگه 400 میلیون دالرگه دارو آلیب کیلینیب، اولرده ییریک قسمی صفتسیز بولگن لیگینی ایتگن.
اونگه کوره، 25 چیت ایللیک شرکت شامل کیفیتسیز دارو آلیب کیله دیگن 145 شرکت فعالیتی توختهتیلگن.
شونینگدیک عامه ساغلیک وزیری، دارو آلیب کیلینیشی اوچون ملی شرکت ایجاد ایتیلیشیدن خبر بیریب، مملکتگه باشقه صفتسیز دارو آلیب کیلینمس لیگینی تیلگه آلدی.
