پارلمان نمایندهلریدن بیرقطاری، جمهور رییسنینگ، آسیا یورهگی ییغینیدهگی سوزلریدن حمایه قیلیب و اونی تینچ لیککه ایریشیش خصوصیده، ییچیم یول دیگنلر. اوشبو نمایندهلر مذکور ییغینده، جمهور رییسنینگ بیاناتلریگه اشاره قیلیب، جمهور رییس سوزلریگه ایشانیشنی باشقه مسئلهلردن کوره اونملی دیگنلر.
شونینگدیک، اوتگن (جمعه کون) آسیا یورهگی ییغینی توغریسیده جمهور رییسنینگ ایتیشیچه، مقصد شو کیلهسی ییل اوتگن ییلدیک بولمسلیگی لازم. اونینگ تینچلیک توغریسیده ایتیشیچه، تینچلیک سوزلشوولری خصوصیده دقت قیلینیب و اوشبو سوزلشوولر مملکت اساسی قانونی اساسیده یولگه قوییلیشی کیرهک.
پارلمان اعضالریدن بیری جعفر مهدوینینگ، (شنبه کون) مجلس عمومی ییغینیده ایتیشیچه، افغانستان تینچلیک و امنیتگه احتیاج دیر و عملگه آشیریلیشی اوچون حکومت باشلیغلرینینگ بیاناتلریگه حرمت قایل بولیش لازم. اونگه کوره، تینچلیک خصوصیده پاکستان و طالبلر بیلن مذاکره قیلمسدن باشقه چاره یوق دیر. جناب مهدوینینگ ایتیشیچه، پاکستان حربی جهتدن دنیا بویلب 10- مملکت سنلهدی و اوروش ییچیم یول بولهآلمهیدی.
اوشبو ییغینده، مجلس بیرینچی اورین باسری ظاهر قدیر، حکومت باشلیغلریدن افغانستان تینچلیگی و امنیتی توغریسیدهگی سوزلشوولردن ملی کینگشنی خبردار قیلیشینی سورهدی. اونگه کوره، مملکت کیلهجکی خصوصیده بولگن قرارلر مجلسدن یاشیرین قالمسلیگی لازم.
نمایندهلردن بیرقطارینینگ ایتیشیچه، پاکستان باش وزیری نوازشریفنینگ، عصیانچیلرگه قرشی کورهشیش خصوصیدهگی بیاناتلری، تینچلیک سوزلشوولری توغریسیده ایجابی حرکت دیر. اوشبو نمایندهلرگه کوره، بو بیاناتلر اساسیده، پاکستان بوندن آلدین تروریستی گروهلردن حمایت قیلر ایکن. اولرنینگ ایتیشیچه، نوازشریف بیرگن سوزلریگه عمل قیلگن صورتده، افغانستان و منطقهده تینچلیک تأمینلنهدی.
شونینگدیک، تینچلیک یوکسک کینگشی خلق ارا علاقه مسؤولی حبیبالله فوزی، آسیا یورهگی ییغینیده، جمهور رییس اشتراکینی یوتوقلی بیلیب ایتیشیچه، جمهور رییس غنی، اسلامآباد سفریدن کیین، باشقه ایکی الی اوچ هفتهگچه تینچلیک سوزلشوولری باشلهنیشیدن خبر بیرگن.
جناب فوزینینگ ایتیشیچه، افغانستان اوشبو سوزلشوولرگه میزبانلیک قیلیشی لازم و اولر بو لایحه تیزلیکده باشلهنیشی خصوصیده امید بیلدیرهدی.
عین حالده، بیرقطارلر تینچلیک سوزلشوولری قیته باشلهنیشی خصوصیده شبههلنهدی. سیاسی ایش بیلرمان قاضی حسن حقیارنینگ ایتیشیچه، افغانستان و پاکستان حکومتی ایچیدهگی قرهمه قرشیلیکلر، تینچلیک سوزلشوولری باشلهنیشیگه توسیق بولهدی.
جناب حقیارنینگ ایتیشیچه، افغانستاندهگی تشقی کوچلر و طالبلر تینچلیک سوزلشوولری باشلهنیشیگه راضی ایمس دیر، بیراق پاکستان تینچلیک تأمینلنیشینی بهانه قیلیب، امتیاز قولگه کیریتهدی.
افغانستان تینچلیک سوزلشوولری بیرینچی مرته انچه پیت آلدین، پاکستان حرکتی بیلن اوشبو مملکتنی مری شهریده اوتکزیلدی و سونگی ییغین انچه پیتدن کیین، اوتکزیلیشی خصوصیده قرار قیلینگن ایدی، بیراق طالبلرنینگ سابق رهبری ملاعمرنینگ، اولیمی توغریسیده خبر ترقهتیلگنیدن کیین، اوشبو سوزلشوولرنی ایکینچی اولتیریشی نامعلوم زمانگچه آرتده قالدی.
