افغانستان مدافعه وزیرلیگی نامزدی محمد معصوم استانکزی، 84 ایجابی آواز، 104 قرشی آواز، 7 آق آواز و 18 تهیلندی رأی آلیشی بیلن افغانستان پارلمان نمایندهلری تامانیدن رد ایتیلدی.
جناب استانکزی، جمهور رییس غنی کابینه سینینگ جنجللی نامزد وزیری ایدی.
او، افغانستان جمهور رییسی تامانیدن مدافعه وزیرلیک نامزدی صفتیده تعیینلنگن چاغیده، بلخ والیسی عطا محمد نور، جناب استانکزینینگ اسلامی جمعیت حزبی سابق رهبری برهانالدین ربانینینگ قاتلی دیب، استانکزینینگ محکمهگه تاپشیریلیشینی ایستهدی، بیراق جمهور رییس غنی، معصوم استانکزی نینگ مدافعه وزیرلیگی سرپرستی صفتیده تعیینلب و پارلمان نمایندهلریدن اونگه ایشانچ آوازی بیریش لرینی سورهدی.
شونینگدیک، اوشبو نامزد وزیرنینگ تانیشتیریش کونیده، پارلمان هجوم آستیگه قرار تاپدی، نتیجهده بیر باله هلاک بولدی و باشقه نیچه کیشی یرهلندی.
جناب استانکزی، بوندن آلدین افغانستان یوکسک کینگشی عضوی ایدی.
شونینگدیک، بوگون مرکزی بانک باشلیغی نامزدی خلیلالله صدیق و افغانستان یوکسک محکمه کینگشی عضوی نامزدلری سید یوسف حلیم و انیسه رسولیگه ایشانچ آواز آلیش اوچون صندوق قوییلر ایدی، بیراق ایتیلیشیچه، مذکور کیشیلرنینگ حجتلری تکمیل بولمهگنی باعث، صندوق قوییلمه گن.
حاضر مدافعه وزیرلیگی سرپرست تامانیدن باشقریلهدی و بیللی ایمس بو وزیرلیکنی سرپرستلیک قیینچیلیگی قچانگچه دوام ایتهدی.
