مملکت تشقی ایشلر وزیرلیگی میدیا دفتری بیر خبرنامه ترقهتیب ایتیشیچه، اوشبو وزیرلیک رسمیلری سهشنبه کون کیچ قورون کابلدهگی پاکستان ایلچیسی سیدابرار حسیننینگ، کنر ولایتی ناری تومنی دوکلام منطقهسیده افغانستان چیگره پولیس پوستهسی اوستیگه چیگرهنی او تامانیدن آتیلگن موشکلر توغریسیده چقیرگن.
مذکور وزیرلیک اداری اورین باسری عتیقالله عاطفمل، جناب ابرار حسین بیلن اوچرهشگن چاغیده، پاکستان چیگره پولیسی تامانیدن اویوشتیریلگن راکتی هجومگه اشارهقیلیب ایتیشیچه، آتیلگن راکتلر نتیجهسیده، افغانستان چیگره پولیسیدن 8 تهسی هلاک بولگن، شونینگدیک کنر ولایتی ناری تومنی دوکلام منطقه بازاری اوتکه یانگن و محل یشاوچیلریگه آغیر شکلده مالی زیان ییتکیزگن.
تشقی ایشلر وزیرلیگی اداری اورین باسرینینگ پاکستان ایلچیسیگه ایتیشیچه، چیگرهنی او تامانیدن نیچه مرته موشک آتیلگن و هر بار افغانستان دولتی بو توغریده پاکستاننی آگاهلنتیرگن، بیراق پاکستان حرکتی اوزگرمهگن و بو مملکت هردایم چیگره قانونی و افغانستان حقینی ایاق آستیگه آلگن.
اوشبو خبرنامهده کیلیشیچه، بوندهی بیرحرکتلر دوام ایتکن صورتده، قوشنیلیک توغریسیده بولگن خلق ارا لیک علاقه قانونی نقض بولیب و ایکی مملکت اورتهسیدهگی علاقه کیلهجکی اوستیگه سلبی تاثیر تشلهیدی.
عین حالده، کابلدهگی پاکستان ایلچیسینینگ سوزبیریشیچه، افغانستان دولتینینگ پیامی و جدی تنقیدلرینی مذکور مملکت رسمیلری بیلن شریک قیلهدی.
پاکستان حربیلری دیورند چیزیغی چیگرهسیده جایلشگن، انچه ییللردن بویان نامعلوم دلیللر بیلن کنر و نورستان ولایتلرینی راکتی هجوم آستیگه آلهدی. ایریم پیتلرده اوشبو راکتی هجوملر منطقه یشاوچیلریدن بیرقطارلرینینگ اولیب و یرهلنیشیگه سبب بولهدی.
