بوگون کابلده افغانستانده تیمیر ییریتوچی ییریک ایشخانهنینگ توب تاشی قوییلدی. مذکور ایشخانه قوریلیشده 25 میلیون دالر صرفلهنیشی ایتیلهدی و مذکور کارخانه بیر کونده خلق ارا معیارلرگه ماس 400 مینگ تُن سیخ ایشلب چیقارهدی.
«خان استیل» ناملی مذکور فابریکه نینگ باشلیغی محمدخاننینگ ایتیشیچه، مذکور فابریکه فعالیتگه باشلش بیلن 600 کیشی ایش جایی بیلن تامین ایتیلهدی. خان استیل کارخانهسی 15جریب ییرده قوریلهدی و کیلگوسی آلتی آیده فایدهلهنیشگه تاپشیریلهدی.
مذکور کارخانه توب تاشینی قوییش اوچون اوتکزیلگن ییغینده اشتراک قیلگن اقتصاد وزیری ستار مراد، دولت اوز ایاغیگه توریش اوچون خصوصی ایشلب چیقارهدیگن شرکتلرنی حمایت قیلهدی دیگن. جناب مراد، ایشنی عملی قیلیش قابلیتیگه ایگه بولگن شرکتلرگه کوپراق پروژه بیرلیشینی ایتگن.
شونینگدیک ییغینده سوزلهگن جمهور رییسنی اقصاد بوییچه مصلحتچیسی عمر زاخیلوال بوندهی فابریکهلرنی تاسیس ایتیلیشی مملکت کیلهجگی اوچون اولکن اهمیتی بار دیگن. جناب زاخیلوال، اوتگن بیر ییل جریانیدهگی نابرقرارلیکلر کوپینچه سرمایه یاتقیزووچیلر افغانستاننی ترک قیلگن لیکلرینی بیلدیرگن. شونینگدیک امنیت تامین قیلینیشی اوچون بوندهی فابریکهلرنی ایجابی تاثیر بار دیگن.
مذکور کارخانه ایکی تاجر تامانی قوریلهدی. مذکور فابریکهنینگ ایگهلری افغانستان تیزلیکده 40فایز گول سیخ ایشلب چیقیش گواهی بولیشینی ایتگنلر.
حاضر افغانستان بولیب سکیز فابریکه بیر ییلده 600تُن سیخ ایشلب چیقاریش بیلن فعالیت قیلیب کیلماقده.
