بوگون ایرتلب ساعت 9 اطرافیده قطار هجومچیلر کابلده جایلشگن ییریک حربی شفاخانه سنلمیش سردارمحمد داوو خان ساغلیقنی سقلش مرکزیگه هجوم قیلدیلر.
ساغلیقنی سقلش وزیرلیگی نینگ نشرات بولیمی باشلیغی محمد اسماعیل کاووسی، حادثهده هنوزگچه قربان بولگن 3 کیشی نینگ جسدی و یرهلنگن 54 انسان ایسه وزیرمحمد اکبرخان شفاخانهسیگه ییتکزیلگن دیدی.
عینی گواهلر، هجومچلرنینگ سانی آلتی کیشی دیگنلر. لیکن، مملکت ملی مدافعه زیرلیگی نینگ رسمیلری هجومچیلر رقمی توغریسیده بیرار نرسه دیمهگن هلی.
شفاخانه نینگ اوچینچی و تورتینچی قبتیگه کیریب آلگن هجومچیلر ملی کوچلر بیلن توقنشماقده. جنگریلر نابود قیلینیشی اوچون هلی هم ملی کوچلر عملیاتی نینگ دوامی بار.
دستلب شفاخانه نینگ کیریش ایشیگیده بیر پارتلش صادر ایتیلگندن سونگ، باشقه هجومچلر کسلخانهگه کیریب آلدیلر دیدی محلدهگی گواهلر.
سردارمحمد داووخان ساغلیقنی سقلش مرکزی پایختدهگی ییریک حربی شفاخانه حسابلنهدی.
بو شفاخانه پایتخت نینگ دیپلوماتیک منطقهلریدن بولمیش وزیر محمد اکبرخانده جایلشگن. اوشبو مرکزده کوپینچه حربی عسکلر دوالنهدی.
هنوزگچه بیرار گروه یا شخص حادثه مسوولیتینی ذمهسیگه آلمهگن. قوراللی طالبلرنی سوزلاووچیسی بولمیش ذبیح الله مجاهد تویتر صحیفهسیگه اوشبو هجوم طالبان تامانیدن عملگه آشیریلگن لیگنی در قیلگن.
