افغانستان قوتقریش کینگشی پنجشنبه کون، بیر اولتیریشده افغانستان حکومتی وطالبلر اورتهسیده باشلنگن تینچلیک مذاکره باشلنگنیدن حمایت قیلیب، بیراق کوپهیتیریشیچه، ایکی تاماننینگ بیری- بیراویدن بی جا ایستهگی بولمسلیگی کیرهک.
مذکور کینگش اعضالرینینگ اورغولشیچه، خلق بو سوزلشوولرنی قبول ایتمهگن کیشیلرنی باسیم آستیگه کیلتیره آلهدی و ایکی تامان مساله دن باش تارتگنلرنی تضمین قیله آلهدی.
اوشبو کینگش اعضالریدن بیری عبدالله صدیقی، بیر شرطنامه ارایه قیلیب ایتیشیچه، خلق اشتراکیده تینچلیک سوزلشوولرینی تینچ فضا و قوشنی مملکتلر ارهلشوولریدن اوزاق آلغه آلیب باریشی ممکن.
مذکور کینگش شرطنامهسیگه کوره، مملکت خلقی تینچلیک مذاکرهلر جریانیده بیجا تکلیفلر و ایستکلرنی رد ایتهدی و باش تارتگن تاماننی ملی و اسلامی منفعتلر بیلن قانیقتیرهدی.
عینحالده، حکومت و طالبلرنینگ رسمی تینچلیک مذاکره انچه پیت آلدین پاکستاننی مری شهریده اوتکزیلگن ایدی و اونگه ایکی تامان سونگی اولتیریشده ایستکلرینی بیری- بیراویگه تاپشیرهدی.
عین حالده، سیاسی ایش بیلرمانلردن بیری ابوبکر متقینینگ ایتیشیچه، حاضرگه قدر ایکی تامان ایستکلری بیری- بیراوی تامانیدن قبول ایتیلیشی بیللی بولمهگن.
جناب متقینینگ کوپهیتیریشیچه، طالبلر مملکت اساسی قانونینی اوزگریشینی ایستهیدی، بیراق افغانستان حکومتی حاضرگچه بو ایستک نی قبول ایتمهگن و سونگی ییللر یوتوقلرینی قولدن بیریشینی ایستمهیدی.
باشقه تاماندن، ننگرهار ولایتی قوم بویوکلریدن بیری حاجی آغا لالی پنجشنبه کون، مذکور ولایت خلقی و قوم بویوکلری بیلن اوچرهشیب، اولردن تینچلیک تامینلنیشی خصوصیده جدی صورتده سعی و حرکت قیلیش لرینی سورهدی.
اوشبو قوم بویوکلرگه کوره، غربی ولایتلر باشقه ولایتلرگه قرهگنده ناتینچلیک لردن زیان کورهدی و اوشبو ولایت یشاوچیلری باشقهلردن کوره تینچلیک تأمینلنیشینی ایستهیدی.
شوندهی بیرحالده، امیریکه جمهور رییسی باراک اوباما، اوتکن چهارشنبه کون، جمهور رییس غنی بیلن ویدیویی کنفرانس آرقهلی سوزلشیب تینچلیک مذاکرهلر رسمی شکلده باشلنگنیدن حمایت بیلدیرگن.
