لوگرامنیتی باشلیغلری بوولایت پولیس مرکزیده بولیب اوتگن هجومده؛ پولیس کوچلریدن 14 تهسینی ایشلریگه غفلت قیلگنلیککه قرهلنیب توتیلگن دیدی.
لوگر پولیس باشلیغی عبدالحکیم اسحاقزی سلام وطندار بیلن سوزلشگنده توتیلگنلر ارا بیرینچی ایشیک قراول باشیسی و اوشه کوندهگی نوکریلر بار دیدی.
اسحاقزی؛ ایچکی ایشلر وزیرلیگی تامانیدن بارگن هیئت بوتصمیمنی آلگن دیدی.
ایچکی ایشلر وزیرلیگی بیر هیئتنی بولیب اوتگن هجوم قنقه لیگی توغری سیده تحقیق اوچون یوبارگن ایدی. بو هیئت قیدیروولردن کیین 14 پولیسنی آلدیدن تحقیقات بولیش اوچون توتگنلر.
امنیتی مقامات بو توتیلگن 14 پولیس نینگ تروریستی هجومگه قولی بارلیگینی اثبات قیلیش اوچون قیسی حجتگه قول تاپمه گن لیگینی بیلدیرهدی.
اسحاقزی بو توتیلگنلر وظیفه سیگه غفلت قیلگن لیک اتهامیده باشقره لاوچی لیککه معرفی بولگن. قیدیروولر بولیب اوتیشی بیلن اولرنی بو یوز بیروده قولی بار ایکن می یا یوقلیگی بیلی بولهدی دیب کوپه یتیرهدی.
اوتگن هفته سهشبنه کونی( دلو 28 ده ) لوگر پولیس مرکزیده 4 پارتلاو هجوم ایلتوچی شخص یوریش ایلتیش نتیجه سیده بیر ملکی قوشمه پولیس کوچلریدن 23 کیشی اولیب باشقه 9 ته سی هم یره کوترگن ایدی.
میلادی 2015 ییل باشلنیشیدن حاضرگه قدر پولیس کوچلری اوچون اینگ بویوک و کوپچیلیک اولیشیگه سبب بولگن هجوم سنلگن ایدی.
