سمنگان ملی خوفسیزلیک ریاستی، مذکور ولایت نینگ ایکی تومنیده 6 قوراللی طالب هلاک ایتیلگنیدن خبر بیرگن.
مذکور ریاست بیر خبرنامه ترقهتیب ایتیشیچه، درۀصوف بالا تومنی نینگ «چهارمغزک» قیشلاغیده 4 طالب عشروزکات نی توپلهیدیگن بیرحالده، محل یشاوچیلری و مردمی کوچلرنینگ عکسالعملی گه روپهرو بولیب، هلاک ایتیلگن.
بو خبرنامه اساسیده، مذکور آتیشمهده طالبان گروهی نینگ بیر قنچه نقلیه واسطه و حربی قوراللری مردمی کوچلرنینگ قولیگه توشگن.
مذکور خبرنامهده کیلیشیچه، باشقه بیر حادثهده اوشبو ولایت نینگ درۀصوف پایین تومنیده طالبان گروهی نینگ حربی کمیسیونی باشلیغی و مذکور گروه نینگ متوکل ناملی باشقه بیر قومندانی آرهسیده عشروزکات نی توپلش اوستیگه لفظی تارتیشوو یوزبیرگن کیم نتیجهده، ایکی طالب هلاک ایتیلگن.
طالبان حاضرگچه بو توغریده فکر بیلدیرمهگن.
