بیرینچی مرته فاریاب ولایتی مرکزی میمنه شهریده لینکن اورگهتیش مرکزی تامانیدن قول صنعتی، هنری اثرلر و سوت محصولاتی کورگزمهسی آچیلدی. فاریاب ولایتیده لینکن اورگهتیش مرکزینینگ مسؤولی احمدجاوید نورینینگ سلاموطندارگه ایتیشیچه، مذکور کورگزمه ولایتنینگ قیصار، المار و پشتونکوت ولسواللیکلری صنعتچیلرینی ترغیبلش نیتی اوچون اوتکزیلگن.
اوشبو کورگزمهده خاتینلر قول صنعتی جملهدن، قالین، گلیم، گلیمچه، سچاق، قیزهلاقلر اوچون کییم، قولده تیکیلگن کییملر، قولده قرصدوزلیک، مهرهدوزلیک، چیرمهدوزلیک، کیملر، افغانی واسکتلر و تیری کییملر کورستوگه قوییلگن.
شونینگدیک هنری اثرلر بولیمیده ولایتنینگ نقاشلیک صنعتچیلری شامل مملکتنینگ مدنی، فرهنگی و اجتماعی شخصیتلریگه تیگیشلی اثرلری هم کورستوگه قوییلگن. ولایتنینگ هنر و صنعتچیلری، بوندهی کورگزمهلرنی اوتکزیش فاریابلیک عیاللرنی قول صنعتی ساحهسیده ترغیب ایتیشدن تشقری اولرنی ایکینچیلیک محصولاتلری ساحهسیده ایجابی تاثیر قالدیریشی ممکن دیگنلر.
