افغانستان دولت باشقرهلاوچیلیگینینگ ایتیشیچه، جمهور رییسلیک سراییده معین شخصلر اوز کیشیلرینی دولت باشقرهلاوچیلیگیگه جایلشتیریشگه حرکت قیلهدیلر.
اوتگن کون حوت آیی نینگ 23- سیده 200 گه یقین باشقرهلاووچی جمهور رییسلیک سرایینینگ قراری اساسیده سیناو آلینگنلیگیدن ناراضیلیک بیلدیریب، افغانستان دولت باشقرهلاووچیلیک ادارهسیدن ملی کینگشگه قدر نمایش اوتکزدیلر.
اعتراضچیلرنینگ سوزلریگه کوره، جمهور رییسلیک سراییده ایریم معین شخصلر دولت باشقرهلاووچیلریدن سیناو آلیش بیلن اوز آدملرینی اورنهتیشگه حرکت قیلهدیلر. اعتراضچیلر حاضرگه قدر 400 کیشیدن سیناو آلینگنلیگینی ایتگنلر.
شمسالحق مولویزاده، افغانستان جمهور رییسینینگ حقوق بوییچه مصلحتچیسی عبدالعلی محمدیگه خطاب قیلیب ایتیشیچه، او قومی، سمتی، مذهبی و نژادی تعصبلرنی آشیریشگه سعی و حرکت قیلهدی. اعتراضچیلر، محمدی قوشنی مملکتلردن بیریدن تقلبی حجت کیلتیرگن کیشیلرنی دولت باشقرهلاوچیلیگیگه اورنهتیشگه اولگورهدی.
شونینگدیک نمایندهلر مجلسینینگ هم ایریملری باشقرهلاووچیلردن سیناو آلینگنلیگیدن خواطر بیلدیرگنلر. نمایندهلرگه کوره، باشقرهلاووچیلری ییللر دوامیده اوشبو لوازملرده ایشلهگن، اولر بو توغریده ییترلی تجربه گه ایگه.
نمایندهلر مجلسینینگ اعضاسی نظیفه ذکینینگ بیلدیریشیچه، سیناودن نیت جمهور رییسلیک سرایینینگ معین آدملری دولت باشقرهلاوچیلیک ادارهسیگه ایشگه اورنه تیلهدی.
باشقرهلاووچیلر ادعاسینی تصدیقلهگن خانیم ذکی، بعضی شخصلر تقلبی حجتلر اساسیده تجربهلی باشقرهلاووچیلر اورنیگه تعین قیلینیشینی تیلگه آلگن.
جمهور رییسنینگ سوزلاووچیسی اجمل عابدی، سیناو دن نیت دولتینگ مذکور ادارهسیگه اصلاحات کیریتیش بولگن لیگینی ایتگن.
گزارشلرده، 14 و 12- صنفی بیتیرگن 1700 کیشی دولت باشقرهلاوچیلیک ادارهسیده خذمت قیلیشی ایتیلهدی. بو مساله افغانستان جمهور رییسی محمد اشرفغنی مملکت دولت باشقرهلاوچیلیک ادارهسیگه اساسی اوزگریش کیرتیلیشی اوچون قرار قبول قیلگن.
