افغانستان ملی خوفسیزلیک کینگشی نینگ اعلان قیلیشیچه، قندهارگه پاکستان حربیلری نینگ راکتی هجوملرینی تیکشیریش اوچون بیرهیات یوباریلگن.
بوگون "یکشنبه" ملی خوفسیزلیک کینگشی نینگ بیر توییت آرقهلی ایتیشیچه، مذکور هیات قندهار ولایتی نینگ سپینبولدک تومنیده پاکستان حربیلری تامانیدن اویوشتیریلگن راکتی هجوملرنی جدی شکلده تیکشیرهدی.
پاکستان حربیلری اوتگن هفته "پنجشنبه" کونی قندهار ولایتی نینگ سپینبولدک تومنیده راکتی هجوم اویوشتیریب و نتیجهده 15 تینج اهالی هلاک و باشقه 80 تینچ اهالی یرهلنگن ایدی.
افغانستان تشقی ایشلر وزیرلیگی اوشبو واقعهنی قارهلگن. تشقی ایشلر وزیرلیگی، مذکور واقعهدن ایکی کون اوتگنیدن سونگ، بیر خبرنامه آرقهلی، پاکستان نینگ راکتی هجوملرینی قارهلب و بو واقعه جدی شکلده تیکشیریلیشینی ایستهگن.
شونینگدیک، پاکستان تشقی ایشلر وزیری شاهمحمود قریشی هم بو واقعه پاکستان و افغانستان تامانیدن تیکشیریلیشینی بیلدیرگن.
