مملکت ملی مدافعه وزیرلیگی نینگ اعلان قیلیشیچه، داعش جنگریلرینی افغانستانگه آلیب کیلیش مسوولی محمدافضل نینگ اوغلی محمد سعید کماندو کوچلری تامانیدن قولگه آلینگن.
ملی مدافعه وزیرلیگی سوزلاوچیسی نینگ اورین باسری، داعش جنگریلرینی افغانستانگه آلیب کیلیش مسوولی اوتگن کیچه کنر ولایتیده کماندو کوچلری تامانیدن قولگه آلینگنیدن خبر بیرگن.
ملی مدافعه وزیرلیگی نینگ کوپهیتیریشیچه، محمد سعید ننگرهار قماقخانهسیده اویوشتیریلگن هجوم نینگ ریجهلنتیرگنلردن بیری ایکن.
شونینگدیک، 3 کون آلدین ملی خوفسیزلیک عمومی ریاستی، داعش گروهی نینگ استخباراتی مسوولی اسدالله اورکزیگه تانیلگن ضیاالرحمان نینگ هلاک ایتیلگنیدن خبر بیرگن ایدی.
ملی خوفسیزلیک ریاستی نینگ اعلان قیلیشیچه، داعش گروهی نینگ استخباراتی مسوولی ملی خوفسیزلیک کوچلری تامانیدن اویوشتیریلگن هدفلی بیرعملیات نتیجهسیده هلاک ایتیلگن.
ایتیلیشیچه، 5 آی آلدین ملی خوفسیزلیک ریاستی، داعش نینگ خرسان شاخهسی رهبری اسلم فاروقیگه تانیلگن عبدالله اورکزی نینگ 19 یاردمچیسی بیلن قولگه آلینگنیدن خبر بیرگن ایدی.
