هندوستان باش وزیری نارندرا مودی، طالبلرنی یخشی و یامان دییش زمانی اوتگن و بوتون دنیا مملکتلری بیر بولیب مذکور گروهگه قرشی اوروش قیلیشلری بارهسیده تاکیدلهگن. جناب مودی، ترورچی و طالبلرنی حمایت قیلهدیگن مملکتلر قیلمیشی مقابلیده جزالهنیشی کیرهک دیگن.
عرب امرلیکلر دولتیده استقامت قیلهدیگن هند باش وزیری جناب مودی مذکور مملکتنینگ «بهارت» کمیتهسیگه خطاب قیلیب ایتیشیچه، هند دنیا مملکتلری بیلن بیر سانده علاقه قوریشنی ایستیدی و هیچ بیر مملکت ایسه سلبی علاقهلر بیلن رواجلهنیش پغانهسیگه ییتمیدی.
ایتیلیشیچه، جناب مودی اوشبو سوزلرنی پاکستاننی نظرده توتیب تیلگه آلگن.
بوندن آلدین پاکستان باش وزیرینینگ تشقی مسالهلر همده ملی خوفسیزلیک مصلحتچیسی سرتاج عزیز پاکستانده «یخشی» طالبلر بو مملکت ملی کوچلری تامانیدن نشانگه آلینمیدی دیگن سوزلرنی بیلدیرگن ایدی.
حکومت بلند مرتبهلی رسمیسی نینگ سوزی پاکستان ملی منفعتلرینی تامین قیلووچی طالبلر بولگن. پاکستان باش وزیری تشقی علاقهلر همده ملی خوفسیزلیک مصلحتچیسی سرتاج عزیزنینگ مذکور سوزلری قوشنی مملکتلر جملهدن افغانستان حکومتینینگ جدی عکسالعملیگه روپهره بولدی.
پاکستانلیک بلند مرتبهلی رسمی هر دایم ترورچیلرنی بو مملکتده ایلدیزدن نابود قیلیش اوچون وعده بیریب کیلگن، اما سرتاج عزیزنینگ بو سوزلری قوراللی طالبلرنی نابود قیلیش اورنیگه، بلکه اولرنی یخشی و یامانگه اجرهتیشنی معلوم قیلهدی.
عین حالده، کورینیشیچه پاکستان ملی خوفسیزلیک مصلحتچیسینینگ سوزلری حقیقتگه یقین دیر، چونگه پاکستان ملی منفعتلرینی تامین قیلووچی طالب هنوزگچه او مملکتده ایرکین شکلده اوز سیاسی فعالیتلریگه دوام بیرهدی.
طالبلر سابق رهبری ملاعمر وفات قیلگندن سونگ، کویته کینگشی و طالبلرنینگ ایریم اعضالری پاکستان توپراغیده ملااخترمحمد منصورنی مذکور گروهنینگ ینگی رهبری ایتیب تعینله دیلر.
اوشه زمانده افغانستان حکومتی عکسالعمل بیلدیریب و پاکستاننی بیرگن وعدهلرگه هیچ بیر زمان عمل قیلمهگنلیکده عیبلهگن ایدی.
بوندن آلدین پاکستان حکومتی افغانستان دولتیگه مملکتده قوراللی طالبلر همده ترروچیلرنی نابود قیلیش اوچون وعده بیرگن ایدی. پاکستاننینگ بیرگن مذکور وعدهسی ملی بیرلیک حکومتی رهبرلری او مملکت بیلن علاقهسینی آلدیندن کوره یخشیلشتیریشگه سعی وحرکت قیلدی.
باشقه تاماندن بوندن ایکی هفته آلدین کابل نینگ شاه شهید منطقهسیده یوز بیرگن مدهش هجوم توغریسیده جمهور رییس اشرفغنی عکسالعمل بیلدیریب، اوشبو هجوم اوتگن ییل پاکستاننینگ پیشاور شهریده حربیلر تصرفیده بولگن مکتبگه اویوشتیریلگن هجومگه تقاسلب، ایکی حادثهنی کابل – اسلام آباد سیاست تاریخیگه مهم نقطه دیگن ایدی.
شونینگدیک جمهور رییسغنی کیلگوسی نیچه هفتهده ایکی مملکت علاقهسی انیقلهنیشی ممکن دیگن ایدی.
مذکور ییغینده جمهور رییسغنی افغانستان خلقی هر دایم پاکستانگه اورتاقلیک پیامینی یوللگن، لیکن پاکستان ایسه اوروش پیامی بیلن جواب بیرگن دیگن مسالهنی اظهار قیلگن ایدی.
