بیر قنچه مدنی جماعهچیلیک ادارهسینینگ فعاللری، حکومتدن تخار ولایتیدهگی ناقانونی قوراللنگن شخصلر قورالسیز لنتیریلیشینی سورهگنلر. مدنی فعاللر، اوشبو مسوولیتسیز قوراللی شخصلر اهالیگه زورهانلیک قیلهدی دیگنلر.
رستاق یاشلر مدنی جماعهچلیک ادارهسینینگ اعضاسی بهرام الدین حسام بوگون کابلده خبری بیر انجمنده، بیر ییلدن بیری کمیده بیر مینگ نفر ناقانونی قوراللنگن کیشی فعالیت قیلهدی دیگن. او، مذکور قوراللی شخصلر ولایتنینگ ماورای کوکچه تومنلری جملهدن رستاق تومنیده نابرقرارلیگی گه سبب بولگنلردیگن.
شونینگدیک اوشبو مدنی فعال، رستاق تومنینینگ یشاووچیلری بوندن آلدین لری هم ناراضیلیک نمایشلر اوتکزیب، اوشبو گروهلر ناقانونی فعالیتلری آلدی آلینشینی حکومتدن سورهگنلر دیدی.
تخار ولایت والیسینینگ سوزلاوچیسی سنتالله تیمور، ولایتدهگی ناقانونی قوراللنگنلر قولگه آلینیشی اوچون سعی و حرکتلر باشلنگنلیگینی تیلگه آلیب، تیزلیکده بولرنینگ فعالیتی توخته تیلهدی دیگن.
تخار ولایتینینگ بیر قنچه تومنلری جملهدن رستاق ولسواللیگی انچه وقتدن بیری قوراللی توقنشولرنینگ گواهی بولیب کیلگن. اوشبو، قوراللی آتیمشهلر نتیجهسیده هنوزگچه نیچه کیشی عالمدن اوتگن.
اوشبو واقعهلر تیکشیریلشی اوچون کابلدن تخار ولایتیگه هیات یوباریلگن؛ اما، مدنی فعاللر کابلدن تخارگه یوباریله دیگن هیات نینگ تیکشرووی نتیجهسیز ایکن لیگینی ادعا ایتگنلر. او لر حکومتدن ولایت برقرارلیگی تامین ایتیلیشی اوچون جدی آدیم کوتاریشینی طلب قیلگنلر.
مدنی جماعهچیلیک ادارهسینینگ اوشبو اعضالری، حکومت رهبرلری بو ایستکلریگه دییرلی اعتبار بیرمهگن حالده، کابل و تخارده اولکن نارضیلیک نمایش اوتکزیشلری بارهسیده آگاهلنتیرگنلر.
