جوزجان ولایتیده ایکی ترورچی گروه جمله‌دن داعش و طالبان آره‌سیده یوز بیرگن آتیشمه‌لر، کوپینچه عایله‌لرنینگ بدرغه‌لیگی گه سبب بولگن.
جوزجان ولایتی کینگش اعضاسی حفیظالله ندرتنینگ، بدرغه بولگنلر وضعیتیدن خواطر بیلدیریب ایتیشیچه، حکومت اوشبو بدرغه بولگنلر گه جدی دقت قیلمهگن صورتده انسانی فاجعه یوز بیریشی ممکن.
جوزجان ولایتی درزاب تومنینینگ قطار یشاوچیلریگه، داعش و طالبان جنگرهلری آره‌سیده یوز بیرگن آتیشمه نیتجهسیده بدرغه بولگنلر. اولرنینگ ایتیشیچه، حاضرده درزاب تومنینینگ باشقه قیشلاقلری و شبرغان شهریده آچ و باش پناهسیز شکلده تیریکچیلیک قیلهدیلر.
بدرغه بولگنلرنینگ ایتیشیچه، هوا ایسیقلیگی، ایچیملی سو و ساغلیق مرکز لر بولمهگنی باعث بالهلری کسل بولیب و ساغلیق وضعیتلری خواطرلنتروچی دیر.
جوزجان ولایتی درزاب تومنینینگ پولیس قومندانی تورن اسماعیلنینگ سلاموطندارگه ایتیشیچه، مذکور تومندن بدرغه بولگنلر وضعیتی «فاجعهلی» دیر.
اخیرگی ایکی هفته جریانیده داعش و طالبلر آره‌سیده یوز بیرگن آتیشمه نتیجهسیده درزاب تومنی یشاوچیلریدن کمیده 2000 عایله بدرغه بولیب و ایکی طرف جنگرهلریدن 300 تهسی هلاک و یره‌لنگن دیر.
