بغلان ولایتی دند غوری ولسواللیگینینگ یشاووچیلری طالبلر صحرایی بیر محکمهده بیر کیشینی شراب ایچگنلیکده عیبلب 60 دُره اورگنلیگینی ایتگنلر.
مذکور اهالیگه کوره، مذکور ولسواللیک قوم یاش اولوغلریدن بیرینینگ اوغلی بولگن. اولر عدلی و قضایی ادارهلردن بو حادثه عامللری جزالهنیشینی سورهگنلر.
بغلان ولایت کینگش باشلیغی صفدر محسنی اوشبو ولسواللیکده امنیه قوماندان بولمهگنی، ملی کوچلر اورتهسیده هماهنگلیک یوقلیگی ملی کوچلر اوچون ییترلی درجهده جهاز بولمهگنی قوراللی طالبلرنی منطقهده کوچلهنیب نفوذ قیلیشیگه سبب بولگن دیگن.
بو ولسواللیک امنیه قوماندانلیگی سرپرستی عبدالرشید بشیر صحرایی محکمه بارهسیده بیرار نرسه دیمی، اما یقین کیلهجکده تازهلش عملیات اوتکزیلیشینی بیلدیرگن.
محل اهالیسیگه کوره، قوراللی طالبلر بوندن ایکی کون آلدین هم بیر عایلهنینگ ایکی اعضاسینی حکومتگه همکارلیک قیلگنده عیبلب آتیب اولدیرگن ایدی. لیکن، بو گروه هنوزگچه بو حقده بیرار نرسه دیمهگن.
