الجزیره گزارشی اساسیده، آمریکا و طالبان نمایندهلری 14 آیلیک انتقالی حکومت تشکیل ایتیلیشی اوستیگه کیلیشگنلر.
الجزیره گه صحبت بیرگن منبع نینگ ایتیشیچه، حاضرهم آمریکا و طالبان نمایندهلری آرهسیده 14 آی جریانیده افغانستان حکومتی دن آمریکا قوشمه ایالتلری نینگ حمایتی دوام ایتیشی توغریسیده قرهمه قرشی فکرلر موجود.
منبع گه کوره، سوزلشوولر فضاسی ایجابی بولگن و بو دور ده ایکی تامان کیلیشیشی ممکن.
شونینگدیک، قطرده طالبان سیاسی دفتری سوزلاوچیسی سهیل شاهین، مذاکرهچیلرنینگ سونگی کیلیشیشلرینی تصدیقلگن. اونینگ میدیالرگه ایتیشیچه، آمریکا و طالبان نمایندهلری آرهسیده بولگن قرهمه قرشی مسئلهلردن کوپینچهسی هلاک ایتیلگن و حاضر افغانستاندن آمریکا کوچلری نینگ چیقاریش میکانیسملری عملی بولیشی توغریسیده مذاکره قیلینماقده.
آمریکا و طالبان گروهی نینگ سوزلشوولری 9- دور گه کیرگنده، افغانستان سونگی پیتلرده قانلی هجوملرگه گواه بولگن. سونگی کونلر کابل شهریده بیر توی مراسمی ده یوز بیرگن خودکش هجوم ده 80 کیشی هلاک و کمیده 200 کیشی یرهلندی و ننگرهار و لغمان کبی شهرلر بیر کون ایچیده نیچه پارتلش گه گواه بولدیلر.
شو توغریده…
آمریکا و طالبان نمایندهلری آرهسیده بولگن سوزلشوولرنینگ 9- دوری باشلندی
