ترمادول، تراما یا بایومادول قتّیق آغریق اوچون شفاکارلر تامانیدن کسللرگه بیریلهدی دارو. بو دارونی مخدر دارولر جملهسیدن حسابلش ممکن. کیشی مذکور دارونی دایمی ایشلتگن حالده، بو داروگه دایمی بیریلیب قالیشی امکاندن اوزاق ایمس. ترامادول ایشلهتیش بیلن آغیریقنی کنترول قیلیش مورفین بیلن بیردیک نتیجه گه ایگه، بونینگ دایمی ایشلهتیلیشی کیشی روانی و فیزیکی لحاظدن بونگه باغلهنیب قالهدی و بیمار ایسه مذکور کسللیکنی درمان قیلیش اوچون مخدر مادهلر جملهدن قاره دارو، کراک و هروییننی تَرک قیلیش اوچون توصیه ایتیله دیگن دورهنی اوتکزیشگه مجبور بولهدی.
کابل شهری دارو ساتیوچیلری مسؤولی محمد فریدنینگ سلاموطندارگه ایتیشیچه، کوپینچه مراجعینلر نسخهسیز دارو آلهدیلر و کوپینچه دستلبکی دارولر جلمهدن «پرستامول» و «بروفن» و آغریقنی قالدیرهدیگن عادی دارولرهم نسخهسیز مشتریلر اختیاریگه قویلهدی.
جناب فرید، پایتخت کابلده ترامادول داروسینینگ مشتریلری جوده کوپ دیدی و ایتیلیشیچه، مذکور دارونی کوپینچه یاشلر ایشلتهدی. اونینگ سوزلریگه قرهگنده، کمیده کونده اون کیشی مذکور دارودن آلیش اوچون دواخانهگه کیلهدی اما اولرنینگ ایکی – اوچ کیشیسیده تیگیشلی داکتردن نسخه کیلتیرهدی.
جناب فریدنینگ اینگ کوپدن – کوپ ساتیله دیگن دارو بارهسیده ایتیشیچه، اهالی کوپینچه زرقی و آذوقهوی آنتیبیوتیکلر شونینگدیک اعصابنی تینچلنتیره دیگن دارولرنی کوپ آلهدیلر.
کابل داروشناسلریدن بیری عبدالباری حنیفینینگ مشتریلرنی دواخانهلردن نسخهسیز دوارو سورهشلری بارهسیده ایتیشیچه، کوپینجه قشاق و کمبغل عایلهلر داکتر فیسینی تولشگه امکانیتی بولمهگنلیگی باعث دارونی نسخهسیز قولگه کیریتهدیلر. جناب حنیفی، ترامادول کوپراق جراحلیک عملیاتدن سونگ قتیق آغریغی بولگن یا – ده مخدر مادهلرنی ترک قیله دیگن شخصلرگه ایشلهتیلشی مقصدگه موافق دیگن. اما، سونگی کونلرده یاشلر ارهسیده مذکور دارونی کوپدن – کوپ ایشلهتیلیشی کوزهتیلهدی دیگن.
پایتختلیک داروشناسلردن باشقه بیری عبدالاحدنینگ بیلدیریشیچه، بیز کوپینچه نسخهسیز دارو بیرمسلیککه حرکت قیلهمیز. شونینگدیک مملکت ساغلیقنی سقلش وزیرلیگی هم نسخهسیز دارو بیریلمسلیگی حقیده بویروق بیرگن دیدی عبدالاحد.
کابل بیلیم یورتینینگ استادی همده داروشناس حامد تورینینگ نسخهسیز بیریلهدیگن دارولر توغریسیده سلاموطندارگه گپیریشیچه، نئورویک دارولر عایلهسیدن بولمیش ترامادول (عصبی – روانی) دارو دیر. شوکبی بو داروگه تریاک مادهسی هم ایشلهتیلگن. اوشبو دارو کیشیلر تامانیدن دایمی صورتده ایشلهتیلگن حالده، شخصنی بو داروگه دایمی بیریلیشیگه آلیب کیلهدی. جناب توردی، نئوروتیک دارولر بوتون دواخانهلرگه ترقهتیلمسلیگی بارهسیده تایکدلهگن دیدی.
افغانستان ساغلیقنی سقلش وزیرلیگینینگ صحی قانونلر ریاستی مخدرمادهسی بولگن دارولر بوتونلی نسخهسیز بیریلمسلیگی خصوصیده قرار آلگن، بیراق حاضر ترامادول، سیسیگان پیچکاریلری و تامیرگه اوتکزیله دیگن ترامادول پیچکارلری بارازده کینگ کولم ده ناقانونی ساتیلهدیگن رداولردن سنلهدی. داروخانهلر تیگیشلی وزیرلیک تامانیدن جدی صورتده تیکشیریلمسلیگی و دارولرنینگ تجاری شکلده ترقهتیلیشی کابل همده ولایتلردهگی دواخانهلرده موجودلیگی عامه خلق آسانلیک بیلن اوشبو دارونی قولگه کیریتیشگه موفق بولهدیلر.
