سلاموطندارگه صحبت بیرگن ننگرهار حاکمی سوزلاوچیسی عطاالله خوگیانینینگ ایتیشیچه، اوتگن کیچه ننگرهارنینگ چپرهار تومنیده ملی خوفسیزلیک ریاستینینگ 02 قطعهسی تامانیدن یولگه قوییلگن عملیات نتیجهسیده، 9 کیشی هلاک و باشقه 8 کیشی یرهلنگن.
خوگیانینینگ کوپهیتیریشیچه، اوشبو عملیات مقصدی و هلاک ایتیلگنلر بیلن یرهلنگنلرنینگ کیملیگی توغریسیدهگی معلومات، سونگ میدیالرنینگ اختیاریده قوییلهدی.
باشقه تاماندن، محل اهالیسینینگ ایتیشیچه، اوشبو واقعهده هلاک ایتیلگنلر و یرهلنگنلرنینگ برچهسی تینچ اهالی و سنامجلسی باشلیغی فضلهادی مسلمیارنینگ قرینداشلریدن دیر.
جناب مسلمیار دفترینی باشلیغی ضیاءالرحمان ضیانینگ ایتیشیچه، هلاک ایتیلگنلر و یرهلنگنلرنینگ آرهسیده سنامجلسی باشلیغینینگ اَبهلری و باشقه عایله اعضاسی کورینهدی.
اوشبو موضوع توغریسیده بولگن معلومات، سونگ نشر ایتیلهدی.
