دلو 18- سیده افغانستان باشقره لاوچیلیگی بیر خبری اولتیریش اوتکزیب، آلدینکی حکومت وزیرلریدن 7ته سینی ویژه محکمه گه تارتیلیشینی کوته میز دیدی.
باشقره لاوچیلیک معلوماتیگه کوره، ترانسپورت آلدینگی وزیری حمیدالله فاروقی، حج و اوقاف آلدینگی وزیری صدیق چکری، معارف آلدیگی معینی اشراق حسینی، عامه فواید آلدینگی معینی محمد ولی و سوو برق آلدینگی معینی محمد اکبر بارکزیلر آلدینگی حکومت کابینه باشلیغلریدن دیرکی؛ اولکه باشقره لاوچیلیک تامانیدن دوسیه لری کوریب اوتکزیلگندن کیین ستره محکمه گه یوباریلگن ایکن.
باشقره لاوچیلیک سوزچیسی بصیر عزیزی بو ییتی وزیر، اداری فسادگه قره لنگنلیگی اوچون محکمه گه جواب بیریشگه مجبورلر دیدی.
دیمک عزیزی فساد قیلگنلر اوچون ویژه محکمه قوریلیش توغری سیده موندهی دیدی: « بیز آلدینگی حکومت آلتی یا ییتی وزیرلرینینگ، فسادگه قره لنگن جرملری ثابت بولیش اوچون ستره محکمه گه یوبارگن میز. و اولر جرمی ثابت بولیش صورتده باید ویژه محکمه قوریلسه».
ایتیشک کیرهک؛ قانونگه قره گنده ویژه محکمه یوزه گه کیلیشی اولکه جمهور رییسی و باشقره لاوچیلیک اداره سی تامانیدن بولهدی.
باشقره لاوچیلیک سوزچی سی تشقی اولکه لرده قاچگن مجرملر اوچون ایشاره قیلیب، تشقی اولکه لرده قاچیب یورگن مجرملر اوچون اینتر پول پولیسی یاردمی بیلن قانونگه تاپشیریلیشی ممکن دیدی.
عزیزی اوتگن هفته جریانیده، باشقره لاوچیلیک اداره سی تامانیدن 8 کیشینی کی؛ بولردن تورته سی سارنوال و باشقه تورته سی هم دولتی اداره لر ایشلاوچیسی ایکن فسادگه قولی بارلیگی اوچون توتیلیب، ستره محکمه گه معرفی بولدیلردیدی. اولر، فساد قرشی سیگه کوره شیش ریاستنی هم باشقره لاوچیلیک چوکاتیده ایجاد قیلگن.
عزیزی جنابلری جمهوری ریاستده فسادگه قولی بولگن کیشیلر لیستی یوباریلگن مساله سینی رد قیلدی. بو شوپیتده بولهدی کی؛ موندن آلدین باشقره لاوچیلیک ایشلاوچیلریدن بیری لیست توزه لگن لیگینی تایید قیلگن ایدی و تیزلیکده جمهوری ریاستگه یوباریلیهدی دیگن ایدی.
