مملکت جمهور رییسی، بیرلشگن ملتلر تشکیلات امنیتی کینگشنینگ 1325- شرطنامهسی تطبیق ایتیلیشی توغریسیده اوتکزیلگن مراسمده ایتیشیچه، عیاللر جماعهمیزنی بیر قسمینی تشکیل بیرهدی؛ بولرنی برچه حق و حقوقلری کوزگه توتیلیشی کیرهک. اولردن بو امتیاز و حقوقلرینینگ آلیشگه کیشیگه حق بیریلمیدی.
جناب غنی، افغانستان عیاللریگه قرشی فکرلر توغریسیده ایتیشیچه، عیاللرگه عیال صفتیده حرمت بیریش لازم، آنه، سینگیل و قیز صفتیده ایمس.
او شونینگدیک اسلام دینی توغری سیده خلق آگاهسیزلیگینی تأسفلی بیلیب ایتیشیچه، عیال کمسیتیشلیک مملکتده اوقیگن کیشیلر ایچیده هم کورینهدی.
جمهور رییس، ساغلیک و ساغلیقنی سقلش توغریسیدهگی خبرسیزلیکلر، باله دنیاگه کیلتیرهدیگن چاغده آنهلر اولیمی کوپهییشی اصلی دلیلی بیلیب ایتیشیچه، افغانستان حاضرگچه دنیا بویلب آنهلر و بالهلر اوچون اینگ یمان مملکت سنلهدی.
جناب غنی، تینچلیک سوزلشوولری لایحهسیده عیاللر اهمیتیگه اشاره قیلیب ایتیشیچه، عیاللر رولی بو مذاکرهده تشریفاتی بولمهیدی.
او، شونینگدیک مملکت پارلمانیدن عیاللرنینگ اجتماعده حضوری و سیاسی اشتراکلری کوچلنیشی توغریسیده بودجه تیارلشینی سورهدی.
جمهور رییس، عیاللر توغریسیدهگی بولیملر جملهدن سیاسی و اجتماعی، عیاللرگه قرشی قیناقلرنی باشقریش و عیاللر ساغلیک وضعیتی یخشیلنیشی شامل 1325 شرطنامهسی عملگه آشیریلیشی ضروری دیب اورغولشیچه، مذکور شرطنامه تطبیق ایتیلیشیگه برچه وزیرلیکلر یاردم بیریشی کیرهک.
بو ییغینده، شونینگدیک مملکت تشقی ایشلر وزیری صلاحالدین ربانی 1325 امنیتی کینگش شرطنامه اهمیتیگه اشاره قیلیب ایتیشیچه، مذکور شرطنامه تصدیقلنگنیدن کیین، افغانستان یخشی یوتوقلرگه قول تاپهدی. جناب ربانینینگ کوپهیریشیچه، ایریم دولتلر شرطنامه عملگه آشیریش اوچون ایریم لایحهلرنی قولگه آلگن؛ بیزلر 2012- ییلدن بویان یخشی دستورلرنی ریجه لهگنمیز و بو عملگه آشیریلگن صورتده ایجابی تأثیر قویهدی.
بیرلشگن ملتلر تشکیلات امنیتی کینگش 1325 شرطنامهسی، میلادی 2000- ییل 31 اکتبرده تصدیقلنگن. بو شرطنامه عیاللر، تینچلیک و امنیت توغریسیده بیر حجت دیر. بیراق بوندهی بیرشرطنامه اهمیتی افغانستان کبی مملکتلر اوچون جوده هم اونملی دیر.
