لوگر حاکمی سوزلاوچیسی دیداراحمد لونگ بو خبرنی تصدیقلب سلاموطندارگه ایتیشیچه، مذکور ولایت مرکزی پلعلم شهریده ناتانیش قوراللی کیشیلر بیر اوی گه کیریب، بیر آنه نی 3 بالهسی بیلن اولدیرگن.
اونگه کوره، اوشبو هجومده بیر قیز و بیر ایرکک شامل بو عایله نینگ 2 اعضاسی یرهلنگن.
مذکور حادثه اوتگن کیچه (جمعه 23- جوزا) لوگر مرکزی پلعلم شهری گه تیگیشلی التمور منطقهسیده یوزبیرگن.
لوگر حاکمی سوزلاوچیسی نینگ ایتیشیچه، حادثه سببی حاضرگچه انیقلنمهگن.
عین حالده پلعلم یشاوچیلریدن قطاری نینگ ایتیشلریچه، بو حادثه پولیس پوستهسی نینگ 100 مترلیگیده یوزبیرگن.
اولر حادثه عامللری قولگه آلینیشی توغریسیده امنیتی کوچلرنی توجهسیزلیککه عیبلهگن.
حادثه مسئولیتی نی حاضرگچه بیرار گروه یا-ده شخص بوینیگه آلمهگن.
