افغانستان شمال شرقیده قندوز امنیتی اداره لرینینگ محلی رسمیلریگه کوره، بوگون ایرتلب ساعت 4 اطرافیده قوراللی طالبلر نیچه تاماندن خان آباد، چهاردره تومنلری و قندوز- شیرخان بندر قتناو یولی اوستیگه هجوم قیلیب، قندوز- تخار و قندوز- شیرخان بندر قتناو یوللرینی و اوشبو ولایتنینگ چهار دره تومنی باره دیگن مرکزی یولینی ترافیک یوزیگه یاپگن.
قندوز ولایتی خان آباد تومنینینگ ولسوالی حیاتالله امیرینینگ سلام وطندارگه ایتیشیچه، قوراللی طالبلر قندوز- تخار قتناو یولیدهگی امنیتی پوستهلر و اوشبو تومن مرکزیگه هجوم قیلگن و حاضرگچه اوروش دوام ایتماقده.
خان آباد تومنی حاکمینینگ کوپهیتیریشیچه، قندوز- تخار قتنا یولی حاضرگچه یاپیق دیر؛ بیراق، اهالی علی آباد- خان آباد یولیدن باریب کیله دیلر. جناب امیری، خان آباد تومنیگه یاردمچی ینگی حربی یوباریلیشینی طلب قیلگن.
عین حالده، آتیشمهلر دوامی ایتیشی و قتناو یوللر یاپیلگنی، قندوز- تخار اهالیسینی جدی شکلده خواطرگه سالگن.
قندوز- تخار یشاوچیلریدن ایکی کیشی شهاب الدین و گلنظر یوقاریده ایسله تیلگن تومنلرده امنیتی وضعیت یامان بولگن لیگینی تیلگه آلگن. بیراق، قندوز امنیه قومندانی جنرال محمدقسیم جنگل باغنینگ ایتیشیچه، قندوز ولایتینینگ ایریم تومنلریده آتیشمه دوام ایتماقده.
جناب جنگل باغگه کوره، قوراللی طالبلر ایکّی تاماندن قندوزنی شیرخان بندری بیلن باغلاوچی آلچین کوپریگینی بوزیش اوچون ایکّی تاماندن اوشبو کوپریک اوستیگه هجوم قیلگن؛ لیکن، آلچین کوپریگینی سقلش اوچون منطقه گه ییترلی درجهده حربی کوچ سفر بَر ایتیلگن.
قندوز امنیه قوماندانینینگ اوشبو ولایت اهالیسیگه، امنیتی کوچلر تیزلیکده منطقهلردن جنگری طالبلرنی هیدهب چیقاریش اوچون ییریک عملیات اوتکزیشلری حقیده ایشانچ بیرگن.
