قندوز ولایتی نینگ دشتارچی تومنیده یکشنبهدن دوشنبه گه اوتر کیچه طالبان گروهی نینگ هجومی نتیجهسیده امنیتی کوچلردن 12 تهسی هلاک ایتیلگن.
قندوز ده آتی فاش ایتیلیشینی ایستمهگن امنیتی بیر منبع بو خبرنی تصدیقلب سلاموطندارگه ایتیشیچه، بو هجوم ده امنیتی کوچلردن باشقه 22 تهسی یرهلنگن و نیچه پوسته هم طالبان نینگ قولی گه سقوط قیلگن، بیراق بو هجوم آرقه گه اوریلگن.
دشتارچی تومنی اوستیگه طالبان نینگ هجومی نی تصدیقلگن قندوز حاکمی سوزلاوچیسی عصمتالله مرادی نینگ ایتیشیچه، حاضر مذکور تومن نینگ خوفسیزلیک وضعیتی یخشی بولگن و امنیتی کوچلر ییر و هوا دن طالبان نینگ جنگریلرینی قتهغن قیلیش عملیات باشلهگن.
شونینگدیک، قندوز حاکمی سوزلاوچیسی نینگ ایتیشیچه، آتیشمهلر نتیجهسیده 10 دن آرتیق امنیتی عسکر و 8 جنگری طالب هلاک و باشقه 16 جنگری طالب یرهلنگن.
جناب مرادی نینگ کوپهیتیریشیچه، یولده ییرلشتیریلگن بیر ماین پارتلهشی عاقبتیده دشتارچی تومنی نینگ ولسوالی نصرالدین سعدی، حربی کندک نینگ باش قومندانی و امنیتی رسمیلردن بیرقطاری، یینگیل شکلده یرهلنگنلر.
طالبان گروهی سوزلاوچیسی ذبیح الله مجاهد بیر خبرنامه ترقه تیب ایتیشیچه، بو هجوم ده 35 پولیس هلاک ایتیلیب و یره لنگن و امنیتی کوچلرنینگ 11 پوستهسینی نظارت گه آلیشگن. جناب مجاهدگه کوره، بو آتیشمهلرده 5 طالب هم هلاک ایتیلگن.
عین حالده، قندوز ولایتی بوییچه بوییچه ملی خوفسیزلیک ریاستی نینگ مطبوعات دفتری بیر خبرنامه ترقهتیب ایتیشیچه، مذکور ولایت نینگ قندهار قیشلاغیده امنیتی کوچلرنینگ هوایی عملیاتی نتیجهسیده، شمالشرق حوزهسیده طالبان گروهی نینگ قورال و مهمات مسؤولی الیاس آتی گه تانیلگن سیدمحمد، ایکی قوروقچیسی بیلن هلاک ایتیلیب و موترلری نابود ایتیلگن.
شو توغریده…
قندوز؛ طالبان هجومیده 20 کیشی هلاک و 70 کیشی یرهلنگن
