مملکت تشقی ایشلر وزیرلیگی، اروپا بیرلیگی و کانادا نینگ کابلدهگی ایلچیخانهسی اعلامیهسیدن حمایت بیلدیریب و طالبان گروهیدن آتیشکیسین اعلان قیلیشی زوروانلیکلرنی کمهیتیریشینی ایستهگن.
بوگون "دوشنبه" تشقی ایشلر وزیرلیگی بیر خبرنامه آرقهلی، طالبان گروهی دن آتیشکیسین اعلان قیلیشی و زوروانلیک کمهیتیریلیشی خصوصیده موافقت قیلیشینی سورهگن.
اروپا بیرلیگی و کانادا ایلچیخانهسی، قوشمه بیر اعلامیه نشر قیلیب، طالبان گروهیدن افغانستان اهالیسی و بیرلشگن ملتلر تشکیلاتی نینگ ایستهگیگه ایجابی جواب قیتریشینی سورهگن. مذکور اعلامیهگه کوره، افغانستان اوروشینی یکونلنتیریش اوچون حربی یول یوق دیر.
اروپا بیرلیگی و کانادا نینگ کابلدهگی ایلچیخانهسی نینگ ایتیشیچه، زورانلیکنی دوام قیلیشی تینچلیک لایحهسیگه قرشی دیر.
اروپا بیرلیگی و کانادا ایلچیخانهسی، افغانستان سیاسی رهبرلریدن یرهتیلگن تاریخی فرصتدن فایدهلنیشلرینی سورهب و افغانستانلیکلر ارا سوزلشوولر باشلنیشی اوستیگه تاکید قیلگن. اروپا بیرلیگی، عیاللر شامل بوتون طرفلرنی تینچلیک جریانیده حضور تاپیشلرینی ایستهگن.
مملکت تشقی ایشلر وزیرلیگی نینگ ایتیشیچه، افغانستان دولتی اوروشنی یکونلنتیریش اوچون یرهتیلگن فرصتدن فایدهلنیشی خصوصیده سعی و حرکت قیلماقده.
ایتیلیشیچه، اوتگن هفته افغانستان حکومتی، طالبان محبوسلری نینگ قوییب یوباریلیش جریانی یکونلنگندن خبر بیرگن ایدی و شونینگدیک، افغانستان حکومتی تامانیدن تعیینلنگن مذاکره قیلیووچی هیاتنی اوتگن هفته "پنجشنبه" کونی قطرگه سفر قیلیشی خصوصیده قرار قیلگن ایدی، بیراق اوشبو سفر کیینگه تشلنگن.
