هلمند ولایتیدن ییلده اون لرچه تُن مرمر تاشی قوشنی مملکتلر اینیقسه پاکستانگه قاچاق بولهدی. مرمر تاشی کانلری هلمند ولایتی خانشین تومنیده جایلشگن و حکومت اوتکن 13 ییلده بوتونلهی بو تومنده حضور تاپمهگن.
خانشین یشاوچیلرینینگ ایتیشیچه، مذکور تومنده کوپ زمانلردن بویان ایریم شرکتلر ناقانونی شکلده کانلرنی ایشلب چیقارهدی.
شونینگدیک، بو تومنده یورانیم کانلریهم موجود و هلمند مرکزی (لشکرگاه) دن 200 کیلو متر اوزاقده بولگن.
هلمند محل رسمیلری، قوشنی مملکتلرده قیمت بها تاشلر قاچاقی و اولرنی ناقانونی شکلده ایشلب چیقاریلیش دلیلنی مذکور ولایت ایریم تومنلری جملهدن خانشین تومنیده حکومت حضور سیزلیگی دیب بیلهدی و باشقه تاماندن اولرنینگ ایتیشیچه، بو کانلرنی ایشلب چیقاریش شرط نامهسیگه اساسی شکلده ایشلب چیقاریشگه قادر بولمهگن شرکتلر بیلن قول قوییلگن.
هلمند والیسی میرزاخان رحیمی سلاموطندار بیلن تلیفونی سوزلهشیب بو مسئله توغریسیده خواطر بیلدیریب ایتیشیچه، حاضر خانشین تومنیده مرمر تاشی ناقانونی شکلده ایشلب چیقاریلماقده.
جناب رحیمینینگ ایتیشیچه، حاضرگه قدر خانشین تومنیدهگی کانلر ناقانونی شکلده ایشلب چیقاریش باشقریلیشی توغریسیده دقت قیلینمهگن. اوشبو حکومت ملازمیگه کوره، بو قضیهگه بیرقطار زورهوان کیشیلرنینگ قولی بار.
جناب رحیمی، حکومتدن تیزلیکده باشقرویدن تشقری بولگن منطقهلرگه دقت قیلیشینی سورهدی.
هلمند والیسینینگ ایتیشیچه، ینگی شرطنامهلرگه فنی و تجربهلی شرکتلر بیلن قول قویهدی. شونینگدیک اونینگ ایسلشیچه، مذکور کانلر ناقانونی شکلده ایشلب چیقاریش باشقریلیشی توغریسیده ایریم لایحهلرنی قولگه آلگن و بو لایحهلر تیزلیکده عملگه آشیریلیشی ممکن.
هلمندده تاش تراشلاوچی شرکتلردن بیری باشلیغی محمدلعل کارگرنینگ ایتیشیچه، خانشین تومنیدهگی کانلردن ییلده 50 تُن مرمرتاشی چیقاریلیب تازهلنهدی. اونینگ ایتیشیچه، افغانستانده بو تاش بازاری قیزیق ایمس دیر.
گزارشلرگه کوره، 30 ییلدن بویان زورهوان کیشیلر مملکتدهگی اوروش و ناتینچلیک وضعیتیدن ایش آلیب، قیمت بها تاشلرنی قاچاقی و ایشلب چیقاریشیگه قول اورهدی و حاضرگه قدر بو توغریده حکومت تامانیدن دقت قیلینمهگن.
بوندن آلدینهم، افغانستان قیته قوریشلری اوچون امیریکهنینگ عمومی قیته تیکشیریش ادارهسی (سیگار) میلیونلرچه دالر قیمت بها تاشلر تشقی مملکتلرگه قاچاق بولگنی توغریسیده گزارش ترقتگن ایدی.
