بوگون توشدن آلدین جمهور رییس بیرینچی اورین باسری جنرال عبدالرشید دوستم نینگ کاروانی قیصار تومنینینگ دوآبی منقطهسیده جنگری طالبلر هجومیگه قالدی، بیراق اونینگ اوزی و قوروقچیلریگه لرگه آسیب ییتمهگن.
اوروش چیزیغیده جنرال دوستم یانیدهگیلردن بیری و ملی جنبش حزبی نینگ اورین باسری مسعود احمد مسعودنینگ سلاموطندارگه ایتیشیچه، جنگریلر تامانیدن اویوشتیریلگن هجوم شوپیتده بولگن دیرکیم، جمهور رییس بیرینچی اورین باسری دوآبی منطقهسیدن قیصار تومنی بارماقده ایکن.
مسعودنینگ بیلدیریشیچه، کاروان وسایطلری اینقیسه جنرال دوستم حضور تاپگن تانکده نیچه اوق اصابت قیلگن ولی کیشیگه آسیب ییتمهگن.
جنرال دوستمنینگ قوروقچیلری و ملی اردو قطعهسی جنگریلرهجومیگه قرشی اوتکزگن عمللری نتیجهسیده عصیانچی طالبلردن 4 کیشی هلاک و باشقه 7 کیشی تن جراحت آلگن.
اونینگ کوپهیتیریشیچه، جنرال دوستم دوآبی منطقه سیدهگی امنیتی پوستهلرنی تیکشیریش و اولرگه روحیه بیریش اوچون محلده بارگن ایکن.
قیصار تومنینینگ باشلیغی رحمتالله قیصاری حادثه ییریده 6 طالب هلاک بولگنلیگینی بیلدیرهدی. او، هلاک بولگنلرجسدی اوروش میدانیده قالگنلیگینی اورغولیدی.
طالبلر سوزلاوچیسی قاری یوسف احمدینینگ رسانهلرگه پیام یوباریشی بیلن خبرنی تأیید قیلیب ایتیشیچه، جمهور رییس بیرینچی اورین باسری غورماچ تامانیدن میمنه کیتیش نیتیده بولگن بیرچاغده طالبلر کمینی بیلن دوچ کیلگن.
احمدی، بادغیس وغورماچ اهالیسی طالبلردن اوزحمایتلرینی کورسه تیشی بیلن جنرال دوستم محلنی ترک ایتیب قیصار کیتگنلیگینی ایتگن. بیراق حادثهده طالبلرگه ییتکزیلگن تلفات بارهسیده رسانهلرگه بیرنرسه دیمهگن.
3هفته آلدین جنرال دوستم فاریابدن طالبلرنی نابود ایتیش و امنیتی کوچلرگه روحیه بیریش اوچون اوروش چیزیغیده باریب، یقیندن اوروش رهبرلیگینی قولگه آلگن ایدی.
