افغانستان ده ناتو ملکی نمایندهسی نینگ ایتیشیچه، طالبلر زوروانلیکلرنی دوام بیریب و هجوملرینی کوپهیتیرگنی باعت تینچلیک سوزلشوولری باشلنمهگن و بو زوروانلیکلر یکونلهنیشی کیرهک.
افغانستان ده ناتو نینگ ملکی نمایندهسی ستیفانو پونتیکورو، صورتلی بیر نوار ترقهتیب ایتیشیچه، او بو بیاناتلرنی ناتو تشکیلاتی نینگ باش کاتبی ینس استولتنبرگ، افغانستان بوییچه ناتو کوچلری نینگ عمومی قومندانی سکات میلر و مذکور تشکیلات نینگ باشقه رسمیلری بیلن بروکسل ده اوتکزیلگن سوزلشووگه ارایه قیلگن.
او، اوشبو ییغینده ایتیشیچه، طالبان تینچلیک سوزلشوولری باشلهنیشی اوچون زوروانلیکلرنی یکونلنتیریشلری کیرهک. شونینگدیک او مذکور ییغینده افغانستان امنیتی و مدافعه کوچلریدن حمایت قیلیشی اوستیگه اورغولهگن.
ناتو نینگ ملکی نمایندهسی طالبلرنینگ زوروانلیکلرنی یکونلنتیریشلرینی سورهگن بیر حالده، مذکور گروه جنگریلری سونگی آیلرده افغانستان امنیتی کوچلری و تینچاهالیسی گه قرشی هجوملرینی کوپهیتیرگن.
ایکی کون آلدین ملی خوفسیزلیک کینگش دفتری نینگ ایتیشیچه، قویاش جاری ییل جوزا آیی نینگ سونگی هفتهسی سونگی 19 ییل ده اینگ قانلی هفته بولگن.
