ساغلیکنی سقلش وزیری فیروزالدین فیروزنینگ ایتیشیچه، اروپا اتحادیهسی بولهجک 8 میلیون یورو یاردمینی روانی کسللیک و ناگرانلر ظرفیتلری کوتریلیشی اوچون مصرف قیلهدی.
جناب فیروزگه کوره، کیلهجک اوچ ییلگه قدر ایکی بینالمللی موسسه، اروپا اتحادیهسی نینگ کومکلرینی تطبیق بیریشی کوتیلهدی؛ ساغلیکنی سقلش وزیرلیگی نظارت قیلیش حالتیگه قالهدی و خلاص.
ساغلیقنی سقلش وزیرلیگی اورغولشیچه، افغانستان یشاوچیلریدن 30 فایزی روانی کسلیگیگه چلینگنلر و باشقه 50 فایزی هم اقتصادی و ایریم دلیللر باعث روحی کسلیککه چلینگنلر.
ساغلیقنی سقلش وزیری نینگ ایتیشیچه، روحی و روانی قیینچیلیکلر، ظرفیت و امکاناتلرینی محدود قیلگن. جناب فیروزگه کوره، اروپا اتحادیهسی نینگ 8 میلیون یورو یاردمیدن 3 میلیونی روانی کسللیکلر مداوا قیلیش و 250 مصلحتچیلرگه اورگهتیش زمینهسی یرهتیلیشی اوچون مصرف بولهدی و قالگن 5 میلیون یورو هم ناگرانلر ظرفیتی کوتریش اوچون مصرف بولهدی.
ساغلیقنی سقلش وزیری نینگ ایتیشیچه، روانی کسللیککه چلینگنلر مداوا قیلیش اوچون امکانات بار؛ اما بشری کوچ و روانی بولیمیدهگی داکترلر قانیقرلی ایمس. ایتیلیشیچه، روانی کسللیککه چلینگنلر مداوا بولیشی ایکی مرحلهده بولهدی: دارو و روانی ساغلتیریش.
اولکه بویلب شوحاضر 2100 کسلخانه موجود؛ عین حالده شومرکزلرده 200 کیشی روانی بولیملرده مصلحتچی حیثیده ایش قیلیب کیلماقدهلر.
